O pasado sábado, 18 de abril, a piscina do Real Club Náutico de Vigo acollia a disputa da final da Liga Galega de clubs, cita que outorgaba dúas prazas para participar, na vindeira tempada, na máxima categoría da natación galega: a División de Honra. O máis que meritorio segundo posto acadado polo club ponteareán, permítelle para a vindeira tempada, competir nunha categoría na que se medirán aos seis mellores clubs da natación galega. R.C. Náutico de Vigo, acadaba o primeiro posto e, polo tanto, tamén estará co C.N. Ponteareas na máxima categoría.
Dende a tempada 2011-2012 non militaba o C.N. Ponteareas na División de Honra o que deixa unha mostra clara a dificultade que supón para un equipo dun municipio de pouco máis de 20.000 habitantes, encadrarse neste selecto grupo de clubs.
A directiva do C.N. Ponteareas quiso felicitar, como non podía ser menos, a todos os seus nadadores e nadadoras, verdadeiros protagonistas deste ascenso, e “agradecer a público e patrocinadores a súa implicación neste proxecto deportivo”.
“Cun equipo que reúne a experiencia e veteranía dalgúns dos seus compoñentes coa xuventude e ilusión de outros, esperamos que o vidndeiro ano poidamos competir por manter a categoría, o que será un verdadeiro reto deportivo” sinalan dende o Club Natación Ponteareas.
