23.5 C
Pontevedra
Mércores, 22 de Setembro de 2021
Máis
    HomeO CondadoPonteareasConta atrás para as 'I Xornadas sobre o Patrimonio do Condado' en...

    Conta atrás para as ‘I Xornadas sobre o Patrimonio do Condado’ en Ponteareas

    Máis dunha ducia de expertos en arqueoloxía, etnografía, arte e historia en xeral ofrecerán conferencias e visitas guiadas totalmente de balde para os e as participantes

    A Concellería de Cultura do Concello de Ponteareas, que dirixe Fernando Groba, ultima os preparativos das que serán as ‘I Xornadas sobre o Patrimonio do Condado’, unha iniciativa que nace con vocación de continuidade e que supón unha oportunidade única de coñecer unha parte da nosa historia da man de arqueólogos, historiadores, antropólogos e expertos na materia totalmente de balde dende o luns día 2 ao venres día 6 de marzo.

    É a primeira vez que Ponteareas acolle unhas xornadas destas características que xorden para dar resposta á inquedanza dunha boa parte da poboación interesada en afondar nas nosas orixes.

    Fernando Groba abre estas primeiras xornadas “a toda a cidadanía” e fai especial fincapé “na comunidade universitarita ofrecendo 0,9 créditos para os estudantes de grao e certificados de asistencia ás persoas que asistan ao 80 % das actividades”.

    Organizadas en colaboración coa Concellería de Novas Tecnoloxías que xestiona Benito Márquez e coa Facultade de Historia da Universidade Vigo, estas xornadas traerán ao Museo de Ponteareas figuras do nivel do arqueólogo Xosé Lois Vilar; Marta Cendón e María Luisa Castro da Universidade de Santiago de Compostela; o arqueólogo da Deputación Rafael Rodríguez; Juan Manuel Buján, ministro Provincial dos Franciscanos; Carlos Andrés González Paz, do Instituto de Estudios Gallegos Padre Sarmiento; Clodio González Pérez, do Museo do Pobo Galego e da Real Academia Galega; José Manuel Hidalgo Cuñarro, do Instituto Histórico e Xeográfico de Santa Catarina Brasil; Rafael Sánchez Bargiela do Instituto de Estudos Tudenses e o arqueólogo Alberte Reboreda, entre outras figuras expertas en Patrimonio e Historia.

    Estas primeiras xornadas terán oco para as iniciativas das asociacións culturais sobre o patrimonio do Condado e no xoves haberá unha mesa redonda na que participará Marcos Escudero e Marina Alcalde da A.C. ViaxaMos no tempo, Nieves Barrera da asociación Rancho de Reis de Guláns e Arístides Carrera da asociación Patrimonio Cultural Val do Tea.

    As e os participantes tamén gozarán de visitas guiadas ao Castro de Troña e aos petróglifos de Gargamala para ademais de coñecer o noso patrimonio, participar nunha clase práctica, sendo tan só preciso inscribirse no enderezo electrónico bibliotecamuseo@ponteareas.es ou a través do número de teléfono 986 66 07 65

    Toponimia, arquitectura, o medievo, as nosas orixes ou a historia da arte floral serán algúns dos temas nos que adentrará o público da man dos expertos.

    “Estas primeiras xornadas achegarán a importancia do patrimonio histórico e cultural á cidadanía, aos universitarios e ao alumnado en xeral e tamén suporán unha oportunidade única de escoitar a conferenciantes e expertos de dentro e de fóra de Galicia na nosa vila”, explica Fernando Groba.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS