16.6 C
Pontevedra
Venres, 14 de Xuño de 2024
Máis
    HomeO CondadoPonteareasACiP negocia do Goberno local o incremento das partidas económicas para a...

    ACiP negocia do Goberno local o incremento das partidas económicas para a reactivación comercial de Ponteareas

    O portavoz do grupo municipal de Alternativa Ciudadana de Ponteareas, ACiP, anunciou hoxe o acordo acadado co Goberno local de cara a incrementar as partidas económicas destinadas ás axudas a empresas e autónomos que están a pasar unha complicada situación.

    A negociación realizada por ACiP mirarase reflectida no pleno do próximo luns, onde, sinala Alternativa Ciudadana de Ponteareas, “aprobarase unha modificación orzamentaria por importe de 622.000 €”, e que conta co voto favorable dos Concelleiros independentes “por recoller parte das iniciativas presentadas polo noso grupo”, apunta González Carrera.

    Dende ACiP deixamos claro desde o principio desta situación de alarma sanitaria, explica o portavoz da formación independente “que apoiariamos todas as propostas que sexan de beneficio para a cidadanía, realizando achegas viables e reais para poder axudar aos nosos veciños”.

    Nesta modificación apróbasense partidas económicas importantes como o incremento económico ao centro municipal de repartición de alimentos, cun aumento de 24.000 euros para axuda directa a veciños que entran en situación de vulnerabilidade. Increméntase tamén a partida de ‘Axuda no Fogar’ con máis de 24.000 euros “para a demanda de asistencia aos nosos maiores”.

    Doutra banda, o acordo contempla a creación dunha partida de 180.000 euros para a posta en marcha do programa de axuda de reactivación da economía local, “que abarca a todas as actividades económicas do noso Concello, que cabe lembrar, superan as 3.000 entre autónomos e empresas”, explica González Carrera.

    Outra das medidas que se levarán ao Pleno do luns será o incremento de 180.000 euros na partida para as axudas directas “que están en vigor para as actividades que estiveron pechadas, e as que tiveron perdas, que se suman aos 50.000 euros existentes”.

    Programas de Bono comercio para comercio local, creación dunha plataforma para promoción do noso comercio, melloras no CIM, adaptación de medidas do COVI-19, son outras medidas a poñer en marcha “e chegamos ao resultante de 620.000 euros, máis os 50.000 euros postos en marcha a pasada semana”, afirma o portavoz de ACiP.

    González Carrera asegurou que seguirá presentando propostas nos próximos plenos como as de solicitar a anulación dos impostos municipais ás actividades que estiveron pechadas, e todas as que se viron afectadas pola situación que estamos a vivir.

    ACiP asegura que o Concello “debe estar á altura, e poder axudar á reactivación do noso tecido industrial. Non queremos un pobo fantasma sen actividade comercial, por iso sempre apoiaremos medidas que vaian nese camiño”.

    “Non é momento de ideoloxías, é momento de achegar o que nos une”, afirma González Carrera que lembra que “o noso único compromiso é Ponteareas, e así seguiremos traballando”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.