O concelleiro de Alternativa Ciudadana de Ponteareas, Luis Rodríguez Cerdeira, criticou hoxe que o Pleno de aprobación do PXOM “fora un alarde de falta de transparencia” ao interrumpir o alcalde, “en reiteradas ocasións a invervención do noso portavoz, Juan Carlos González Carrera”.
Lamenta ACiP que un Pleno de tan trascendencia “fora convocado sen ningún tipo de consenso coa oposición” e “as costas dos veciños que aínda así encheron o salón de plenos grazas á difusión realizada polo noso grupo parroquia a parroquia”.
Segundo Rodríguez Cerdeira, antes de comezar o pleno “tentouse coaccionar” aos portavoces “sinalándolles que tiñan un tempo limitado para a súa intervención” tempo que, segundo concelleiro de ACiP “quedaba a criterio da alcaldía”.
Para un tema de tanto calado –sinala o concelleiro independente– “non se pode ter un tempo tan curto para a intervención de cada portavoz pois está a impedir a intervención e explicación da nosa postura ante os veciños”.
“Se se queren regular os tempos –apunta Luis Rodríguez– primeiro debátese iso na xunta de portavoces e non no Pleno con actitudes autoritarias e impropias dun alcalde”.
O PXOM aprobado, sinala ACiP, “remata co rural e co crecemento ordenado de Ponteareas”.
