10.4 C
Pontevedra
Xoves, 28 de Marzo de 2024
Máis
    HomeO CondadoPonteareasAberto o prazo de solicitude de admisión para os centros educativos de...

    Aberto o prazo de solicitude de admisión para os centros educativos de Ponteareas

    A concellería de Educación, que xestiona a tenenta de alcalde Cristina Fernández, lembra que estará aberto ata o día 20 de marzo

    A concelleira de Educación e tenenta de alcalde do Concello de Ponteareas, Cristina Fernández, vén de lembrar a interesados e interesadas que ata o vindeiro 20 de marzo está aberto o prazo de solicitude de admisión tanto nos centros de infantil e primaria coma nos institutos de ensino secundario do concello de Ponteareas.

    Mil cincocentos alumnos/as de infantil e primaria estudan nos cinco CEIPS e no Centro Rural Agrupado (CRA A Picaraña) de Ponteareas. Grazas á colaboración da concellería de Ensino todos os centros contan con servizo de aula matinal facilitando a conciliación familiar e laboral.

    Ademais, os tres CEIPs do centro urbano ofrecen o servizo de comedor e a través das ANPAs todos os centros educativos de primaria desenvolven actividades extraescolares para que as familias poidan ter un amplo abano de servizos de formación regrada e non regrada.

    Ao alumnado de infantil e primaira haille que sumar os 1.178 alumnos e alumnas dos tres Institutos de Ensinanzas Secundarias do noso concello. Cristina Fernández salienta os bos resultados acadados nas probas de selectividade do curso anterior cunha media do 98,7 % de aprobados, mostra do bo traballo realizado polo equipo educativo e do alto nivel dos nos IES. En contínua evolución para cubrir as inquedanzas e necesidades educativas da mocidade, este curso ofreceuse xa a modalidade do bacherelato de Artes para o que o alumnado xa pode solicitar tamén a admisión.

    A concelleira de Educación subliña que os centros educativos de Ponteareas “ofrecen unha ensinanza cercana ás familias, participativa e involucrada tanto na súa contorna como no día a día do propio concello a través da participación no Consello da Infancia e da Mocidade como nas actividades deseñadas para o alumnado”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.