13.5 C
Pontevedra
Martes, 27 de Febreiro de 2024
Máis
    HomeO CondadoPonteareasA Deputación adxudica a mellora da estrada Pazos-Ponteareas ao seu paso por...

    A Deputación adxudica a mellora da estrada Pazos-Ponteareas ao seu paso por Ribadetea

    As obras de mellora da seguranza viaria para 2,2 quilómetros da estrada EP-2703 ente Pazos e Ponteareas ao seu paso pola localidade de Ribadetea, no concello de Ponteareas, acaban de ser adxudicadas formalmente pola Deputación á empresaCivis Global por presentar a mellor oferta de entre as 16 firmas aspirantes. O deputado de Mobilidade Uxío Benítez destaca que o orzamento de adxudicación foi finalmente de 580.169,39 euros. Os traballos deben comezar antes do verán e, unha vez que comecen, terán unha duración de seis meses.

    As obras consistirán –explica Benítez– na creación de itinerarios peonís, a mellora do firme, a instalación de elementos de calmado de tráfico, e tamén a incorporación de servizos soterrados nunha zona moi transitada pola veciñanza nas inmediacións da igrexa parroquial, da escola infantil, e da casa da cultura. A mellora desta estrada responde a unha demanda veciñal da parroquia de Ribadetea trasladada á Deputación polo goberno local encabezado por Xosé Represas que, en varios encontros, manifestou que a zona necesitaba dunha mellora da seguridade viaria para facilitar o tránsito de peóns no lugar de O Souto, comunicando equipamentos como a igrexa parroquial de San Xurxo e o colexio da Picaraña.

    No proxecto inclúese a creación dun espazo de tránsito peonil diferenciado e nas zonas onde non hai sección suficiente crearanse zonas de convivencia cunha plataforma sobreelevada e con preferencia peonil. Poñerase tamén en valor a contorna da igrexa de San Xurxo e o cruceiro de Entreeidos, onde se utilizarán encintados e pavimentos e pedra e lastros en lugar dos formigonados e dos aglomerados de cor do resto dos ámbitos.

    Ademais das melloras nos itinerarios peonís, explica Benítez, o proxecto inclúe unha rehabilitación do firme entre os puntos quilométricos 11+300 e 13+500, instalaranse redutores de velocidade de vehículos, renovarase a rede de drenaxe, canalizarase un treito de abastecemento, e instalarase novo mobiliario urbano e unha marquesina.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.