7.9 C
Pontevedra
Venres, 29 de Marzo de 2024
Máis
    HomeO CondadoMondarizAporM xustifica o seu voto en contra aos orzamentos de Mondariz "polos...

    AporM xustifica o seu voto en contra aos orzamentos de Mondariz “polos recortes en igualdade, asociacionismo, limpeza e saneamento”

    Xoán Carlos Montes Bugarín asegura que o alcalde "recorta o mantemento das depuradoras de 30.000 € a 13.675 €, o que aumentará o deterioro do río Tea"

    Alternativa por Mondariz –forza máis votada nas últimas eleccións municipais con 1.037 votos– vén de votar en contra dos Orzamentos presentados ante o Pleno polo Goberno ao apreciar a formación que encabeza o exalcalde Xoán Carlos Montes Bugarín, “un incremento notable do gasto que vai en contra da austeridade que o goberno, encabezado polo BNG, tanto proclama”. Pola contra constátase AporM asegura constatar unha diminución en partidas “que resulta alarmante”.

    Unha delas é a dedicada á limpeza das dependencias municipais, que pasa de 42.000 € no 2017 a 33.500 € no 2020. “En tempos de alarma sanitaria isto resulta sorprendente”.

    No campo das políticas de igualdade a situación é idéntica: de 9.100 € no 2017 a 5.200 € no 2020. E en Dinamización Lingüística de 4.500 € pásase a 1.500 € no 2020. Nos cursos de formación non se reduce demasiado, pero pasa de 10.000 € a 9.400 €, unha decisión política errada polo delicado momento laboral que atravesamos.

    Alternativa considera superfluo o arrendamento da varredora: 6.190 € e cuestiona o dedicado a saneamento: pásase de 30.000 € a 16.520 € no 2020. Considera así mesmo que se perde a oportunidade de investir no rural en temas de suma necesidade como internet nun tempo nos que o teletraballo se impón paulatinamente. No mantemento da depuradora pásase de 30.000 a 13.675 € no 2020. Para AporM é primordial evitar por todos os medios vertidos ao río, o que esixe aumentar os recursos. 

    Son palpables tamén as rebaixas nas axudas ás asociacións seguindo o que o goberno chama “de maior interese de estratexia municipal” Alternativa xa as consideraba escasas e agora son máis. En resumo: “uns orzamentos errados que non responden ás necesidade de Mondariz e non permiten falar dunha distribución intelixente, proporcionada e xusta do gasto” en palabras de Montes Bugarín.

    Asociacionismo

    BNG e PSOE tamén pretendían reducir o 50% das subvencións que ata agora recibían as asociacións representativas dos veciños. “Ata o de agora as asociacións recibían un mínimo de 300 € do Concello para axudalas no seu traballo. O alcalde pretendía reducir ese importe á metade na maior parte dos casos” destaca Calis. Noutros casos, como o da Banda de Música, o goberno municipal pretendía recortar a súa aportación de 11.000 a 9.900 € e no caso da asociación Castromao de 4.000 a 3.600 €.

    Débeda municipal

    Alternativa por Mondariz considera oportuno recordar a débeda coa que se atopou no momento de porse ó fronte da Alcaldía: 614.547’97 € fronte ó REC do actual goberno de 364.912’72 €. O xeito de encaralo por parte de Alternativa foi dun traballo inmediato para xestionalo no canto de laiarse.

    A débeda do Centro de Día non é unha débeda histórica. Parte de xullo de 2017, dado que non había partida orzamentaria e descoñecíase a opción de reclamación como pasou coa débeda histórica de case 300.000 € que a Xunta cancelou no noso mandato. O goberno encabezado polo BNG aporta unha partida de 94. 625 € para o Centro de Día e afronta un REC de 364.912’72 €, inferior ó montante co que se topou Alternativa de 614.547’97 €. Iso é: 189.311’99 € de pago de facturas en decembro+REC en xaneiro de 425.235’98 €

    Está clara a lectura destes datos e o distinto xeito de encarar a situación económica recibida que para AporM “non foi outro que unha xestión eficaz en beneficio do pobo”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.