17.3 C
Pontevedra
Luns, 26 de Xullo de 2021
Máis
    HomeO CondadoMondarizAlternativa por Mondariz solicita ao Goberno local o incremento das axudas para...

    Alternativa por Mondariz solicita ao Goberno local o incremento das axudas para material escolar “por un previsible incremento da demanda”

    A formación que encabeza Xoán Carlos Montes Bugarín pide a posta en marcha de outras iniciativas como o curso de alfabetización dixital para nais e pais, clases de reforzo e campamentos para a conciliación da vida laboral e familiar

    Alternativa por Mondariz vén de solicitar ao Goberno local o incremento da partida económica destinada a axudar a adquisición de material escolar ás familias con menos recursos económicos e que teñan nenos e nenas cursando primaria e ESO.

    Xoán Carlos Montes, portavoz de AporM, lembra que no pasado mandato e estando a súa formación no Goberno, “estas axudas xa foran incrementadas de xeito significativo”. Agora, engade, “a crise propiciada pola pandemia da COVID-19 fará que a demanda deste tipo de axudas se incremente, polo que o Concello ten que ter previsto o incremento destas axudas”.

    Os concellos, lembra o voceiro de Alternativa por Mondariz, “son as administracións máis próximas á cidadanía e, como tal, teñen que dar respostas rápidas e áxiles ás necesidades da mesma, sobre todo, daquelas que atinxen ás persoas e familias máis vulnerables”.

    Asemade, AporM pide a posta en marcha de tres iniciativas, directamente relacionadas co ensino e a infancia, que consideran “de extraordinaria importancia”

    Así, solicítase do Goberno local a posta en marcha dun curso de Alfabetización Dixital dirixido a nais e pais, iniciativa que cumpriría un dobre obxectivo. Por unha banda, explica o Xoán Carlos Montes, “nais e pais adquirirían coñecementos básicos de informática para axudar aos nenos e nenas na xestión de tarefas escolares, xestión de datos na nube ou buscas seguras en internet”.

    Por outra banda, e non menos importante, “contribuiríase á protección e defensa dos nosos fillos e fillas do ‘lixo dixital’, cada día máis abundante, que circula polas redes como mentiras ou fakes, pornografía ou ciberdelincuencia en xeral”.

    Clases de reforzo e campamento de conciliación

    Outra das peticións que Alternativa por Mondariz formula ao Goberno local, é a de explorar alternativas que permitan organizar “clases de reforzo e recuperación” dirixidas aos nenos e nenas que “tiveron máis dificultades académicas nos últimos meses de crise sanitaria”.

    Finalmente, AporM chama a atención sobre a necesidade de conciliar a vida laboral e familiar co verán as portas, polo que solicita a creación dun campamento de verán dirixido a nenos e nenas menores de 16 anos, en horario de mañá.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS