11.5 C
Pontevedra
Venres, 9 de Decembro de 2022
Máis
    HomeO CondadoAs NevesO GDR Condado Paradanta presenta unha exposición fotográfica nas Neves

    O GDR Condado Paradanta presenta unha exposición fotográfica nas Neves

    O Grupo de Desenvolvemento Rural do Condado Paradanta, presenta a exposición fotográfica “Visións do Territorio” que contempla 90 imaxes da zona, entre as que se inclúe e unha selección das mellores instantáneas realizadas polos participantes dos tres concursos de fotografía organizados polo GDR.

    A mostra, que foi financiada con fondos LEADER 2014 -2020 da Xunta de Galicia, exporase en dous escenarios: un exterior, no que se situarán estruturas con forma de cubos que terán como obxectivo proxectar o xeodestino Condado Paradanta; e un interior, no que se mostrarán as fotografías impresas de maneira individual. O punto de encontro entre os espazos atópase nas pezas exteriores, que contan cun mapa onde se xeolocalizan as fotografías da exposición. De este xeito o público poderá coñecer en que puntos do Condado Paradanta se capturaron cada unha das imaxes.

    Para o presidente do GDR, Juan Pablo Castillo con esta actuación “preténdese visibilizar o valor natural, turístico e de patrimonio do territorio, tendo en conta cada un dos concellos que o compoñen”.

    Exposición itinerante

    A exposición que percorrerá os dez concellos que conforman o territorio do GDR Condado Paradanta, inaugurarase o vindeiro sábado, 29 de outubro as 12:45. A exposición interior estará na Casa da Xuventude e a exterior, na Praza Maior do concello de As Neves.

    Segundo o presidente da entidade supramunicipal, acordouse presentar a exposición no marco do proxecto ‘1º Encontro de Artes e Territorio’ por ser un espazo singular e innovador na promoción turística. Tamén destaca a relevancia de fomentar as sinerxías entre concellos e o tecido asociativo, “especialmente en iniciativas de dinamización como a exposición “Visións do Territorio”.

    O anterior indica que despois de As Neves a exposición presentarase nos concellos de Arbo, A Cañiza, Covelo, Crecente, Mondariz, Mondariz Balneario, Pontereas, Salceda de Caselas e Salvaterra de Miño, segundo o demanden as propias administracións locais.

    Proceso participativo

    Ademais da posta en marcha da exposición fotográfica, o GDR acordou o martes en Xunta Directiva, iniciar o proceso participativo para a elaboración da Estratexia de Desenvolvemento Local (EDPL) a executar no seguinte período Leader 2023 – 2027.

    “Pensa, actúa e constrúe territorio” é o nome do proceso que incluirá diferentes etapas, que terá como denominador común, recoller as necesidades, coñecemento e propostas que a cidadanía poida ter a prol do crecemento territorial.

    O procedemento comezará con entrevistas semiestruturadas a persoas significativas dos diferentes municipios e seguirá cunha enquisa online aberta a toda a veciñanza. Tamén se realizarán obradoiros coas mesas sectoriais das entidades socias e grupos focais de interese. Finalmente e despois de analizar a información obtida durante todo o procedemento, presentaranse as conclusións. “Esta é unha iniciativa viva, que pode variar a súa estrutura e aumentar o número de accións segundo se vaia desenvolvendo”, apunta Juan Pablo Castillo.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS