12.2 C
Pontevedra
Martes, 13 de Abril de 2021
More
    HomeO CondadoAs NevesAs Neves destina 8.000 euros a mellora dos centros de ensino

    As Neves destina 8.000 euros a mellora dos centros de ensino

    A Concellería de Ensino e Benestar Social do Concello das Neves vén de realizar distintos traballos de arranxo e mellora en varios centros escolares, destinando para esas actuacións máis de 8.000 €. As obras centráronse nas escolas infantís de Rubiós e Taboexa; escola infantil da Galiña Azul e no CEIP Pazo da Merced.

    Escolas infantís de Rubiós e Taboexa

    A semana pasada remataron as obras de rehabilitación, aviado e instalación do parque da Escola de Educación Infantil de Rubiós, que abrangueron a reposición, reparación e revisión de pezas, pintado de estruturas, recuperación da varanda e substitución de táboas rotas, ademais de aviar os soportais exteriores e substituír as pezas dos baños, por un importe total de 4.186,60 €.

    O parque, situado a carón da nova Casa da Música, está aberto para uso de todas as veciñas e veciños da parroquia e, nos vindeiros meses, o Concello orzamentará a habilitación dun novo ‘patio interior’ na propia escola.

    Do mesmo xeito, nos vindeiros días, coincidindo co aumento da matrícula na Escola Infantil de Taboexa, o Concello realizará a instalación da calefacción na mesma logo de que se habilitase a segunda aula. O orzamento para este traballo superará os 1.500 €.

    Galiña Azul

    Nas últimas semanas, o Concello rematou a colocación do valado arredor do xardín, con presuposto que superou os 600€ e xa empezaron os traballos para situar o novo centro na antiga casa do conserxe do colexio.

    Esta nova escola, prevista para acoller, en principio a 20 nenas en nenos, terá unha superficie de máis de 160 metros cadrados e disporá dunha parcela de máis de 400 e estará co-financiada pola Xunta de Galicia.

    O custe total da mesma será duns 300.000 € dos que a administración galega aportará 225.000, o 75 %, e o Concello de As Neves, os outros 75.000 €, o 25 %.

    CEIP Pazo da Mercé

    Ao longo verán, aproveitando as vacacións escolares, o Concello levou a cabo distintas melloras e arranxos no CEIP Pazo da Mecé, fundamentalmente na instalación eléctrica, espazo deportivos ademais da retirada de distintos materiais para o punto limpo.

    A concelleira de Ensino,Pilar González Casas, agarda poder manter unha xuntanza co xefe territorial da Consellería de Educación, César Pérez Ares, a cal xa se ten solicitado en dúas ocasións, para expoñerlle a necesidade de acometer o cambio de fiestras e persianas, “que son as mesmas que na súa inauguración hai máis de 30 anos” e que atópanse en moi mal estado.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS