18.4 C
Pontevedra
Luns, 3 de Outubro de 2022
Máis
    HomeO CondadoAs NevesADEGA retoma o seguimento e as visitas do programa de compostaxe no...

    ADEGA retoma o seguimento e as visitas do programa de compostaxe no Concello de As Neves

    O programa de compostaxe de As Neves está adscrito ao Plan Revitaliza de compostaxe da Deputación de Pontevedra

    ADEGA retoma neste mes de setembro as visitas de seguimento ás vivendas do concello de As Neves que fan uso do seu composteiro individual. Continuaranse recollendo datos sobre temperatura, nivel de enchido, evolución do compost, resolvendo dúbidas e asesorando sobre o correcto uso dos mesmos.

    O seguimento e as visitas téñense que adaptar ás circunstancias actuais que vivimos por mor da Covid-19. ADEGA extremará polo tanto as medidas de prevención: máscara, distancia social e uso de xel hidroalcohólico para coidado tanto do persoal como da veciñanza.

    ADEGA comezou no mes de outubro do 2018 coa súa colaboración na implantación do Plan Revitaliza no Concello de As Neves. Este plan pretende mudar o sistema de xestión do lixo pasando dun sistema baseado na incineración e o vertido a un novo sistema de reciclaxe a través da compostaxe. A reciclaxe dos restos orgánicos faise a través da instalación de composteiros comunitarios na zona urbana e na entrega dun composteiro individual a cada casa adscrita ao programa. Na implantación da compostaxe individual, o persoal de ADEGA realizou o seu labor a través de charlas informativas explicando o proceso da compostaxe e separación selectiva, así como, as posteriores visitas de seguimento para a toma de datos e asesoramento e acompañamento á veciñanza ao longo do proceso. Durante este tempo entregáronse 1070 composteiros individuais colocados nas vivendas do concello. Ademais procedeuse á instalación de 14 composteiros nos cemiterios e 5 nos centros educativos, o seguimento e mantemento dos cales é realizado polos mestres composteiros da Deputación.

    A veciñanza conta tamén con 17 Puntos Verdes, distribuídos por varios lugares do concello onde poden depositar os restos das podas que realicen así como recollelas posteriormente xa trituradas para usar como estruturante no seu composteiro.

    A acollida e implicación no proceso está sendo en xeral moi elevada e máis tendo en conta que unha ampla parte da veciñanza xa tiña algún hábito de reciclaxe dos restos orgánicos coa realización de pilla/esterqueira ou botándollos aos animais. Pero o feito de participar no programa e ter un composteiro fixo que a veciñanza participante fose máis conscientes do volume de restos orgánicos que se xeran e como potenciar a reciclaxe dos demais residuos. O concello das Neves está moi próximo a acadar o obxectivo da UE do 50% de reciclaxe.

    Para máis información: Emma Castro, tfno 628 913 005.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS