17.5 C
Pontevedra
Luns, 15 de Abril de 2024
Máis
    HomeO CondadoAs NevesA Deputación mellora nas neves a seguridade viaria da EP-4201 no treito...

    A Deputación mellora nas neves a seguridade viaria da EP-4201 no treito Setados-Ribarteme-Vide

    A Deputación de Pontevedra vén de aprobar en Xunta de Goberno o proxecto de execución da obra de mellora da seguridade viaria na estrada EP-4201 Setados-Ribarteme-Vide, situada no concello das Neves, entre os puntos quilométricos 0+000 e o 3+930. Deste xeito, os traballos de saneamento deste tramo contan cun orzamento de 335.501,15 euros e cun prazo de execución de seis meses.

    En concreto, entre as melloras a realizar polo ente provincial, atópanse a renovación da sinalización e do firme da vía a través de saneamentos e cunetas de seguridade. En concreto, a actuación contempla o tratamento superficial, o fresado e a reposición do pavimento e a renovación de pintura. Con este investimento, a Deputación reforzará a seguranza da rede viaria de estradas enmarcada no modelo de mobilidade provincial e, á súa vez, fomentará a creación de emprego co obxectivo de dinamizar a economía e apoiar ás empresas da contorna.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.