5.5 C
Pontevedra
Mércores, 8 de Febreiro de 2023
Máis
    HomeO CondadoAs NevesA Deputación distingue co ‘selo Revitaliza’ ao CEIP Pazo da Mercé de...

    A Deputación distingue co ‘selo Revitaliza’ ao CEIP Pazo da Mercé de As Neves

    A Deputación de Pontevedra vén de distinguir co ‘selo Revitaliza’ ao CEIP Pazo da Mercé de As Neves por compostar de maneira responsable o seu lixo orgánico. O centro de ensino recibe o distintivo xusto na semana previa á conmemoración do Día Mundial do Medio Ambiente por ter participado no programa provincial de compostaxe dende o curso 2017-2018: a día de hoxe toda a comunidade escolar (profesorado, persoal de cociña, alumnado…) está concienciada da necesaria separación dos biorresiduos para valorizalos e producir compost, amosando así un compromiso co medio no seu facer diario.

    A entrega do distintivo produciuse coa presenza do alcalde de As Neves Xosé Manuel Rodríguez Méndez, do concelleiro de Medio Ambiente Óscar González, a mestra composteira Victoria Varela, o persoal do CEIDA que realiza actividades divulgativas de compostaxe co alumnado, persoal de cociña, profesorado, así como todas as nenas e nenos do centro, moi agradecidos polo recoñecemento.

    O CEIP Pazo da Mercé comezou a participar no programa Revitaliza no curso 2017-2018. Entón o colexio dispoñía de dous composteiros individuais de gran tamaño, que pronto quedaron pequenos pola boa participación e uso. En febreiro de 2019 xa foi necesario instalar un centro de compostaxe comunitario que, a día de hoxe está a pleno rendemento. Cada mes énchese o módulo principal de achega e iníciase un novo proceso de compostaxe, que vixía e supervisa a mestra composteira Victoria Varela.

    As achegas de orgánicos proveñen principalmente dos restos de cociñado e do comedor escolar que hai no centro, que atende a uns 150 rapaces e rapazas de luns a venres. Tamén se achegan os biorresiduos dos caldeiros de fracción orgánica que hai nas aulas e no patio.

    Unha vez se produce o compost, é utilizado para as actividades do centro: os cultivos de horta que se realizan nos seis bancais que están no patio do colexio. Cada un deles pertence a un curso escolar para que de maneira demostrativa a rapazada poida coñecer  como se fai un cultivo e como se pecha o círculo, “devolvendo á terra o que é da terra”.

    O ‘selo Revitaliza’ do CEIP Pazo da Mercé non é o único entregado pola Deputación dentro do municipio de As Neves. O pasado mes de febreiro tamén se entregou outro á EFA A Cancela, o centro de formación profesional concertado. Alí participa no proxecto o alumando de Industrias Alimentarias, para o que a iniciativa suma na súa aprendizaxe profesional no mundo da gastronomía, considerando a economía circular como un contido transversal na formación.

    O vicepresidente César Mosquera, responsable do Plan Revitaliza, deu os parabéns ao colexio e lembrou que os negocios, colexios ou entidades de calquera tipo que teñan un “excelente en compostaxe” por cumprir os parámetros establecidos polo persoal do Plan Revitaliza poderán lucir nas súas portas os anagramas do Revitaliza, e tamén o distintivo personalizado, tal e como se fai con outras redes de calidade (Michelín,  Tripadvisor…).

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS