A corporación municipal de Salceda de Caselas, ante a expansión que se está a vivir do novo coronavirus (Covid-19), ven de adoptar as seguintes medidas para todo o termo municipal:
- Suspensión de tódalas actividades culturais, deportivas, de formación, etc., celebradas en instalacións municipais, e recomendación ao tecido asociativo de que se tome este mesmo tipo de acordo para as súas actividades.
- Peche ao público da Casa da Cultura Castelao e biblioteca municipal, así como do Centro Social da Devesa.
- Suspensión do mercado semanal dos mércores, tanto en exterior como no interior da praza de abastos (mantéñense abertos os postos fixos).
- Recomendación ao público para que empreguen os servizos de sede electrónica e telefonía en lugar da atención persoal nas diferentes instalacións municipais.
- Os servizos de policía local, limpeza e vías e obras manteñen o seu funcionamento normal.
- Nos parques e espazos públicos, recomendación de non empregar elementos común como aparellos biosaludables, xogos infantiles, fontes, etc.
- Recomendación ao tecido industrial e comercial de Salceda de que apliquen medidas de responsabilidade e contención social.
- Recomendación á poboación de que se deben extremar as medidas de hixiene, con lavados frecuentes de mans con auga e xabón, e que se apliquen medidas de contención social, evitando as saídas innecesarias.
Estas medidas manteranse mentres as administracións autonómica e estatal non comuniquen o cambio de situación.
Doutra banda, o Concello lembra á veciñanza os teléfonos e correos electrónicos dos diferentes servizos de cara a que poidan realizar trámites coa administración municipal.
- Casa do Concello:
- 986349003 [email protected]
- Servizos sociais:
- 986343368 [email protected]
- Casa da Cultura Castelao:
- 986340543 / 628579097 [email protected]
- OMIX/OMIC:
- 986340543 / 628579097 [email protected]
- CDL O Torrón:
- 986347864 [email protected]
- Deportes:
- 986349513 / 680400978 [email protected]
- Policía Local:
- 639821377 [email protected]
- Logopeda:
- 986340862 [email protected]
- Servizo de atención temperá:
- 680400979 [email protected]