10.2 C
Pontevedra
Venres, 29 de Marzo de 2024
Máis
    HomeLouriñaSalceda de CaselasOs concelleiros do PP de Salceda doan o 30% percibido pola asistencia...

    Os concelleiros do PP de Salceda doan o 30% percibido pola asistencia a plenos e comisións ao Banco de Alimentos Municipal

    O Grupo Popular de Salceda cumpre a súa promesa de doar o 30% percibido pola asistencia a plenos e comisións do ano 2020

    No pasado 5 de abril de 2020, “desde o Grupo Popular de Salceda fixemos unha promesa á veciñanza de Salceda, doar o 30% percibido pola asistencia a plenos e comisións dos meses restantes do ano 2020, e no día de hoxe, apiques de rematar este ano 2020, os seis concelleiros e concelleiras do PP de Salceda cumprimos coa nosa palabra” sentenciou Santi Davila.

    No mes de abril, en pleno pico da pandemia do coronavirus en Galicia, “desde o grupo municipal do PP de Salceda fixemos chegar propostas para un plan de choque para familias e negocios de Salceda de Caselas ante a crise da Covid-19, e entre algunas das nosas propostas atopábase unha promesa: os seis concelleiros do PP de Salceda aportaríamos parte do percibido pola asistencia a plenos e comisións ao banco de alimentos municipal a finais do ano 2020, e así o fixemos neste mes de decembro”, sinalou o portavoz dos populares.

    Sen lugar a dúbidas, “deste atípico 2020 aprendemos moitas cousas, entre as que destacan a responsabilidade, a coherencia e, sen lugar a dúbidas, deste 2020 cabe destacar máis ca nunca a SOLIDARIDADE. Os seis concelleiros populares poñémonos ao carón dos veciños, coñecemos a mala situación de moitos deles, por iso, nós decidimos facer esta doación ao banco de alimentos municipal. Moitos kg de alimentos adquiridos do comercio local, tanto dos comercios das parroquias como dos comercios da Esfarrapada, axudando aos máis necesitados, pero tamén ao noso comercio local que tanto o precisa”, sentenciou Davila.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.