10.2 C
Pontevedra
Venres, 29 de Marzo de 2024
Máis
    HomeLouriñaSalceda de CaselasO PSdeG-PSOE de Salceda reafirma a necesidade dun Centro de DIA e...

    O PSdeG-PSOE de Salceda reafirma a necesidade dun Centro de DIA e Galiña Azul

    O PSdeG-PSOE de Salceda reafírmase na necesidade que ten o concello das dúas infraestruturas (Centro de DIA e Galiña Azul), ante o anuncio de presentación dunha moción no pleno por un grupo político da corporación municipal, a través da cal se vai a instar ao resto de grupos políticos da corporación a instar á Xunta de Galicia a construción do centro de DIA e unha segunda Galiña Azul. O PSOE, a través da súa Secretaria Xeral e alcaldesa Verónica Tourón e  da súa Comisión Executiva queren manifestar o seguinte:

    • A alcaldesa e o seu grupo municipal son firmes defensores tanto da construción dunha segunda Galiña Azul como dun centro de DIA para o noso concello, tal e como o teñen manifestado en numerosas ocasións.
    • O grupo municipal socialista  impulsou a solicitude do centro de DIA, coa súa alcaldesa Verónica Tourón á cabeza. Non só xestionou a solicitude da subvención senón que tamén a través da concellería de urbanismo, desenvolveuse e aprobouse inicialmente a reparcelación do Polígono II do PERI para dispoñer de terreos dotacionais que fixeran posible, a ubicación das dúas infraestruturas, ademais zonas verdes e un solar para a construción de vivenda protexida.
    • Ante a presentación da solicitude de construción do centro de DIA foron o resto dos partidos da corporación municipal, Movemento Salceda e Partido Popular, os que con sendas notas de prensa, intentaron desmarcarse da posibilidade de manter vivas as dúas peticións, alegando a falla de dispoñibilidade de terreos para a construción de ditas dotacións ou apostando claramente e de forma prioritaria tan só pola construción da segunda Galiña Azul.

    O grupo municipal do PSdeG de Salceda  unirase de forma clara e sen fisuras a dita moción, posto que Verónica Tourón xa leva varias semanas facendo este chamamento á unidade. Por enriba dos diferentes grupos políticos que conforman á corporación municipal están as necesidades de toda a cidadanía de Salceda polas que incansablemente loitaremos dende á alcaldía e a nosa representación institucional no parlamento de Galicia e no goberno de España.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.