10 C
Pontevedra
Venres, 1 de Marzo de 2024
Máis
    HomeLouriñaSalceda de CaselasO Concello de Salceda informa sobre os atrasos do IBI 2018

    O Concello de Salceda informa sobre os atrasos do IBI 2018

    O Concello de Salceda de Caselas vén de facer pública unha nota informativa dirixida á veciñanza en relación cos recibos dos atrasos do IBI de 2018 recibidos nas últimas semanas. O Concello sinala que ante os múltiples erros detectados, nos que non se practica a dedución do importe xa pagado –e tras a xuntanza mantida esta semana coa dirección do Oral e o equipo técnico– o ORAL comprometeuse a emitir novamente estes recibos, aos que non se lle practicou o desconto por ter cambiado a referencia catastral tras o proceso simplificado de valoración colectiva.

    Polo tanto todas aquelas persoas que recibiron unha carta de pago sen descontar a parte pagada no 2018 non deben nin pagalo nin reclamar xa que, automaticamente, o ORAL revisará estes casos e emitirá un novo recibo, sempre e cando a persoa titular do ben sexa o mesma en 2018 que na actualidade.

    As liquidacións que non son correctas, pero cambiou a persoa titular, si deben formular reclamación.

    Mentres que as liquidacións que estean correctas si teñen que pagarse no prazo indicado na carta.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.