22.8 C
Pontevedra
Martes, 4 de Outubro de 2022
Máis
    HomeLouriñaSalceda de CaselasFirme aposta pola igualdade e contra a violencia de xénero en Salceda...

    Firme aposta pola igualdade e contra a violencia de xénero en Salceda de Caselas

    A Concellaría de Igualdade de Salceda, que dirixe a tenente de alcaldesa, Loli Castiñeira, está a desenvolver numerosas iniciativas que se ven intensificadas estes días por mor da celebración do Día da eliminación da violencia de xénero o vindeiro 25 de novembro.

    Deste xeito, dende o Concello púxose en marcha o programa Diana, dotado con máis de 7.000 €, que permitiu levar a cabo actividades como a charla-simposio que Mª Xosé Queizán ofreceu por mor do día internacional contra a trata que se celebra o 29 de setembro, o concurso de curtas e o taller audiovisual que impartirá a directora Marta Piñeiro no IES Pedras Rubias no mes de decembro ou o concurso de fotografía con temática da violencia de xénero organizado para conmemorar o 25 de novembro.

    Salceda participa tamén nas actividades que leva a cabo o GDR Condado Paradanta, como a andaina solidaria “O rural contra a violencia de xénero” que se celebrou o pasado 13 de novembro, ou a charla “As mulleres nos medios de comunicación” impartida pola xornalista de Si Radio Eva Míguez no CEP Altamira o pasado 22 de novembro.

    Por outra banda, a alcaldesa Verónica Tourón e Loli Castiñeira, acudiron tamén ao acto de Violencia Zero organizado pola Deputación de Pontevedra o pasado 19 de novembro.

    Para conmemorar o 25 de novembro, dende a Concellaría de Igualdade preparáronse diferentes iniciativas como son a colocación de pancartas e cartelería, a participación un ano máis na campaña “En Negro contra a violencia de xénero”, a iluminación da fachada do Concello de cor morada durante toda a semana, a difusión dun vídeo sobre a igualdade nas redes sociais do Concello ou a emisión todos os días ás 21.00 de cancións cun especial simbolismo de loita contra a violencia. “Matriarcas”, de Guadi Galego; “Tempestades de Sal” de Sés e “Mártires” de Xoana son as cancións escollidas que soarán polo fío musical. Todos estes actos completaranse coa concentración que se celebrará na Praza do Concello o propio 25 de novembro ás 17 horas na que se lerá un manifesto.

    Loli Castiñeira, Concelleira de Igualdade: “As administracións públicas temos que seguir a facer un esforzo importante por visibilizar un grave problema como é o da violencia de xénero, no que as mulleres seguen a ser castigadas polo simple feito de ser muller. A sociedade está cada día máis concienciada coa situación, e o obxectivo ten que ser sen dúbida algunha a tolerancia cero ante este tipo de agresións. Por nós non vai quedar”.

    Verónica Tourón, Alcaldesa de Salceda de Caselas: “A igualdade é transversal e debe ser unha bandeira de vida, desde as administracións temos a obriga de darlle a máxima visibilización e defender cada día os dereitos das mulleres que están a sufrir ataques constantes. Debemos ser exemplo para as futuras xeracións”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS