10 C
Pontevedra
Venres, 1 de Marzo de 2024
Máis
    HomeLouriñaSalceda de CaselasConcello de Salceda e Xunta procuran solucións para o enlace da Lagoela

    Concello de Salceda e Xunta procuran solucións para o enlace da Lagoela

    A proposta supón ademais aliviar de tráfico o casco urbano, convertíndoo nun lugar máis seguro para os peóns

    Nesta semana, a alcaldesa de Salceda, Loli Castiñeira; o Concelleiro de Vías e Obras, Miguel González, e o arquitecto municipal, Rubén Martín, reuníronse con Jose Luis Díez, xefe territorial de Infraestructuras e Movilidade en Pontevedra, e Fausto Núñez, xefe da AXI de Pontevedra, para analizar os diferentes temas que ambas institucións teñen sobre a mesa.

    Alcaldesa, Concelleiro e Arquitecto aproveitaron a xuntanza para lembrar a importancia de que a Xunta poida acometer o proxecto de remodelación do enlace da PO-510 coa PO-411, na zona da Lagoela, fundamental para mellorar a seguridade nun punto no que se levan producido xa numerosos accidentes polas incorporacións que teñen que realizarse na propia ponte, que veñen a demostrar a perigosidade do enlace. O proxecto xa foi presentado en marzo do 2018 nunha xuntanza entre Concello e Xunta, pero aínda non hai data de realización, polo que a alcaldesa Loli Castiñeira ven de solicitar unha cita coa conselleira, Ethel Vázquez para poder retomalo e que poida ser unha realidade canto antes.

    A solución proposta pasa pola construcción de dúas glorietas a ámbolos dous lados da ponte, que permitan tódolos movementos e cambios de sentido sen obrigar o acceso ao centro de Salceda de Caselas para completar os xiros, unha vez descartada a opción de construcción dunha rotonda en superficie polo seu elevado custe e complexidade técnica.

    “Estamos a falar dunha proposta fundamental para Salceda, e para garantir a seguridade das persoas que acceden ao municipio por ese enlace, o principal xunto co enlace da Gándara”, sinalou a alcaldesa de Salceda.

    Tamén sobre este segundo enlace existe un anteproxecto que a AXI ten xa fai tempo sobre a súa mesa, que permitiría mellorar a contorna e reorganizar o tráfico na contorna.

    Ademais na xuntanza analizáronse outros temas que están actualmente sobre a mesa, como son a próxima construcción dunha senda peonil e ciclista que unirá o casco urbano co IES Pedras Rubias, ou a mellora do enlace dende a rotonda da Gándara ata o antigo matadoiro.

    A alcaldesa, Loli Castiñeira, manifestoulles a importancia de acometer eses proxectos aos representantes da AXI, e agarda que a Conselleira a poida recibir canto antes “para tratar en primeira persoa estes temas tan importantes para Salceda”.

    “A seguridade das persoas ten que ser a premisa fundamental tanto para o Concello como para a Xunta. Estamos seguros de que en breve teremos boas novas sobre estas importantes propostas”, rematou a rexedora local de Salceda.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.