18.7 C
Pontevedra
Luns, 24 de Xuño de 2024
Máis
    HomeLouriñaSalceda de CaselasComeza a rehabilitación da antiga casa do mestre de San Xurxo en...

    Comeza a rehabilitación da antiga casa do mestre de San Xurxo en Salceda

    Comezan as obras de rehabilitación da antiga casa do mestre de Vendanova na parroquia de San Xurxo. Traballos que se levan a cabo co Obradoiro de Emprego “Rehabilita Salceda” e que permitirán ampliar o espazo educativo nunha das escolas unitarias que acollen máis alumnado.

    A actuación consiste en reformar e habilitar para uso educativo a parte da edificación que antigamente se destinaba a vivenda do mestre e que actualmente se atopa en ruínas. Con esta reforma daráselle ubicación a un aula polivalente de gran tamaño, unha pequena oficina, un aseo e un hall de entrada.

    Como parte importante da reforma procédese a proxectar unha rampla de acceso lateral, a construción dun aseo adaptado e a conversión do aseo actual en adaptado, o que permitirá que sexa unha edificación completamente accesible. Tamén se incide nos illamentos térmicos e acústicos , ademais nos revestimentos, facendo fincapé na eficiencia enerxética.

    Esta actuación é unha das tres intervencións que se realizarán co obradoiro de emprego, á cal hai que sumarlle o cambio de cuberta da aula de Picoña e o acondicionamento dunha pequena planta de almacenamento de refugallos que permitirá ao permitirá ao concello clasificar refugallos e reciclar dunha maneira máis eficaz e selectiva. Esta última actuación xa se está a levar a cabo de xeito simultáneo coa rehabilitación da casa do mestre.

    Verónica Tourón alcaldesa e concelleira de Emprego e Formación, remarcou “dende a Concellería de Emprego sempre apostamos polos obradoiros e a súa metodoloxía pedagóxica de “aprender traballando” porque contribúe á formación integral do seu alumnado traballador e revirte dunha forma moi positiva a nivel social no noso concello coa rehabilitación das instalacións municipais que prestan servizo á veciñanza”.

    Estas actuación segue na liña de rehabilitación e reforma de espazos municipais para por a dispor da veciñanza, mellorando e aumentando servizos públicos fundamentais.

    O obradoiro de emprego posibilita aprender un novo oficio de forma remunerada, pero ademais aporta outras moitas experiencias sociais e é unha oportunidade para atopar novas saídas laborais. Ademais de facer unha labor importantísima e moi útil. Un obradoiro que ademais relaciona catro áreas fundamentais no benestar da veciñanza: educación, medio ambiente, emprego e formación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.