17.3 C
Pontevedra
Xoves, 5 de Agosto de 2021
Máis
    HomeLouriñaSalceda de CaselasA Xunta adxudica a redacción do proxecto construtivo do novo ramal de...

    A Xunta adxudica a redacción do proxecto construtivo do novo ramal de saneamento en Santo Estevo de Budiño, no concello de Salceda de Caselas

    Os traballos, adxudicados por máis de 18.000 euros, teñen un prazo de 6 meses

    A Consellería de Infraestruturas e Mobilidade, a través de Augas de Galicia, vén de adxudicar a redacción do proxecto construtivo do novo ramal de saneamento en Santo Estevo de Budiño, no concello de Salceda de Caselas.

    Este contrato, cun investimento autonómico de máis de 18.000 euros, foi adxudicado á empresa Urbing, Proyectos de Urbanismo e Ingeniería Civil S.L. O prazo de execución é de 6 meses.

    O obxectivo deste traballo é analizar as alternativas para completar o saneamento de Santo Estevo de Budiño e definir as actuacións necesarias para recoller as augas residuais da parte do Cerquido e en parte do polígono industrial de Salceda, que non puideron ser conectadas durante a execución das obras realizadas por Augas de Galicia no ano 2015 por problemas de cota.

    A este respecto, cómpre lembrar que a Xunta executou a mellora do saneamento en Santo Estevo de Budiño, cun investimento de máis de 1,6 millóns de euros. A intervención permitiu conectar as vivendas e naves industriais situadas na parroquia de Santo Estevo de Budiño, e tamén  unha pequena parte delas situadas no concello do Porriño, ao colector interceptor xeral do río Louro, que á súa vez transporta as augas residuais cara á depuradora de Guillarei para o seu tratamento.

    Con este novo contrato, a Xunta impulsa o deseño da nova rede de saneamento para as vivendas e industrias das citadas zonas que non puideron ser conectadas, xa que se atopaban nunha cota inferior á do colector principal. Isto é posible, unha vez constatada a posta a disposición dos terreos necesarios para levar a cabo os traballos por parte dos veciños.

    Descrición dos traballos a desenvolver

    Os traballos deste contrato consisten en desenvolver ata un nivel de proxecto construtivo o novo ramal de saneamento en Santo Estevo de Budiño.

    Para isto acometerase unha análise primeira da problemática e traballarase na obtención dos datos previos de cara á elaboración da proposta da mellor solución. Para levar a cabo estas tarefas debe analizarse a posibilidade de substituír o bombeo e a impulsión por un colector por gravidade e a mellor solución para recoller as augas residuais das zonas sen saneamento.

    O seguinte paso, centrarase no estudo de alternativas valorando desde un punto de vista técnico, económico, ambiental e social as distintas opcións, para o posterior desenvolvemento da solución proposta.

    O adxudicatario do presente contrato procederá ao desenvolvemento do anteproxecto da solución seleccionada que, unha vez aprobado tecnicamente, concluirá co traballo de redacción do proxecto construtivo do novo ramal en Santo Estevo de Budiño para a conexión das vivendas e industrias pendentes de incorporar á rede de saneamento.

    A Consellería de Infraestruturas e Mobilidade mantén a súa vontade de cooperar cos concellos para a mellor prestación dos servizos municipais de abastecemento e de saneamento de auga á poboación.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS