22.2 C
Pontevedra
Sábado, 20 de Abril de 2024
Máis
    HomeLouriñaSalceda de CaselasA Fundación La Caixa e a Escola de Fútbol Denis Suárez, xuntas...

    A Fundación La Caixa e a Escola de Fútbol Denis Suárez, xuntas polo deporte e a infancia

    Responsables da Fundación La Caixa visitaron as instalacións do campo de fútbol do Penedo Redondo en compaña de representantes da Escola de Fútbol Denis Suárez ademais de pola alcaldesa, Loli Castiñeira, o concelleiro de Deportes e o arquitecto municipal. Miguel Capón, director da Escola, exerceu de anfitrión na visita guiada ás instalacións para que as persoas responsables da fundación coñecesen de primeira man a realidade da Escola.

    O obxectivo da visita é a posta en marcha dun convenio de colaboración coa Escola de Fútbol Denis Suárez, no que esta participará como entidade prestadora do servizo dentro do programa CaixaProInfancia, dirixido a familias con menores en situación de pobreza e exclusión social.

    O convenio xurde despois dos contactos realizados entre a escola e a fundación, nos que se puxeron de manifesto a similitude entre os valores de ámbalas dúas entidades, e foise materializando despois de diversas reunións mantidas en Vigo e Madrid. 

    A propia alcaldesa, Loli Castiñeira, expuxo o potencial de Salceda para proxectos dirixidos á infancia, tendo en conta a elevadísima taxa de natalidade do municipio (unha das máis altas de Galicia), así como a excelente ubicación pola cercanía con cidades como Tui e Vigo, e incluso con Portugal. Así mesmo, por medio do arquitecto municipal amosáronse os proxectos de ampliación das instalacións deportivas coa futura construción dun novo campo de fútbol 8 e posibilidade de novas instalacións na zona deportiva da Comunidade de Montes de Budiño, situada a pouco máis de cen metros de distancia, e incluso coa da parroquia de Soutelo, o que completaría un futuro triángulo que ofrecería novas oportunidades á comunidade deportiva de Salceda.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.