A deputada provincial de Cohesión Social, Olga García Ballesteros, acompañada polos concelleiros do Porriño, David Alonso e Sergio Casal, asistiu a unha actividade musical para persoas maiores usuarias do Servizo de Teleasistencia domiciliaria dos concellos de Mos e Porriño. A iniciativa, promovida pola Deputación Provincial de Pontevedra, desenvolveuse no Pavillón Municipal porriñés.
As preto de 25 persoas usuarias, participaron nun ‘bingo musical’ no que tiñan que recoñecer ben a canción ou ben o interprete de cada tema ata cantar liña e logo bingo.
Os concelleiros e a deputada repartironse entre os maiores e compartiron con eles este xogo que, segundo explicou o persoal do servizo de teleasistencia “é un xeito de estimulación cognitiva e para interactuación entre maiores”.
David Alonso, na súa condición de concelleiro de Servizos Sociais informoulles que o Concello do Porriño vén de aprobar no último pleno ordinario o contrato do Servizo de Axuda no Fogar, licitado en 2 millóns de euros, “para unha prestación cada día máis reclamado e necesario pola maior esperanza de vida que temos”, manifestou o edil.