19.1 C
Pontevedra
Venres, 18 de Xuño de 2021
Máis
    HomeLouriñaMosUn prestixioso premio de arquitectura máis podería recaer en Mos

    Un prestixioso premio de arquitectura máis podería recaer en Mos

    A Cidade Deportiva do RC Celta Afouteza, en Pereiras, entre os finalistas da Bienal Española de Arquitectura e Urbanismo

    O Concello de Mos celebra incorporar a Cidade Deportiva Afouteza, candidato a un prestixioso premio de arquitectura. Tras o premio Gran de Area, do Colexio Oficial de Arquitectos de Galicia para o Centro Dotacional do Medio Rural de Torroso, e os premios da Escola Infantil A Galiña Azul da Veigadaña, proxecto da arquitecta mosense Estefanía Grandal xunto con Faustino Patiño e Juan Ignacio Prieto, tamén do COAG na Categoría de Equipamentos en 2019 e dos Premios de Arquitectura e Rehabilitación 2020 da Xunta de Galicia; chega agora o recoñecemento á Cidade Deportiva Afouteza, finalista da Bienal Española de Arquitectura e Urbanismo.

    A alcaldesa de Mos, Nidia Arévalo, manifestábase esta mañá “orgullosa e emocionada ante o feito de que a arquitectura mosense sexa unha vez máis recoñecida e posta en valor; de xeito que sigamos a posicionarnos e ser recoñecidos como un municipio que acolle e fomenta proxectos innovadores, prestioxiosos e de calidade, baseados nunha arquitectura funcional, respectuosa e moderna”.

    A Cidade Deportiva do RC Celta recibe un prestixioso recoñecemento, a nivel nacional, como actuación innovadora, respectuosa co medioambiente e de marcada calidade. Afouteza foi elixida finalista na Bienal Española de Arquitectura e Urbanismo (BEAU) dos últimos tres anos.

    De entre as 600 propostas presentadas, 70, entre elas a cidade deportiva celeste, alcanzaron a final nesta XV edición da bienal que, baixo o lema ‘España baleira, España chea. Estratexias de conciliación’, expoñerase do 28 de xuño ao 16 de setembro no Pavillón de Barcelona e do 2 de xullo ao 23 de setembro no Museo Patio Herreriano de Valladolid.

    A pouco máis dun mes da súa inauguración, a BEAU presentou estes primeiros resultados da convocatoria ‘Panorama de Obras de Arquitectura e Urbanismo’, que premiará o máis relevante da arquitectura e o urbanismo do últimos tres anos, de 2018 a 2020, cunha selección de 20 proxectos que se darán a coñecer como punto de partida desta XV BEAU.

    Entre as preto de 600 propostas presentadas, 100 proxectos resultaron seleccionados e 70 foron elixidos finalistas para unha cita cultural convocada polo Ministerio de Transportes, Mobilidade e Axenda Urbana a través da Dirección Xeral de Axenda Urbana e Arquitectura en colaboración co Consello Superior dos Colexios de Arquitectos de España (CSCAE) e a Fundación Arquia, que ten o obxectivo de servir de punto de encontro entre a cidadanía, a arquitectura e o urbanismo e reivindicar o valor social de ambas as disciplinas.

    Elixidas segundo criterios de calidade, pertinencia, vocación social e cultural ou innovación, as obras seleccionadas e finalistas desta convocatoria reflicten, segundo o equipo de comisarios formado por Óscar Miguel Ares, Anna Bach e Eugeni Bach “non só o excelente traballo arquitectónico, paisaxístico e urbanístico dun gran número de profesionais, senón tamén o estado actual da arquitectura no noso país”.

    Xunto ao director xeral de Axenda urbana e Arquitectura, Iñaqui Carniceiro, Marta Vall-Llossera, a vicepresidenta primeira de CSCAE, e Naiara Montero, arquitecta e patroa da Fundación Arquia, o equipo de comisarios da XV BEAU formou parte dun xurado ao que se uniron outros destacados profesionais como Stephen Bates, Véronique Patteeuw, María Castrillo, Carmen Moreno e Alberto Veiga.

    A primeira fase da cidade deportiva celeste, proxecto dos arquitectos Jesús Irisarri Castro e Guadalupe Piñera Manso, conta con dous campos de fútbol e zona de tecnificación e instalacións interiores con vestiarios, ximnasio, sala de fisioterapia, oficinas, sala de prensa, set de televisión, comedor, etc. A Cidade Deportiva Afouteza é un proxecto innovador e sostible que aúna deporte, lecer e natureza. Durante a súa construción, baseada na arquitectura bioclimática, respectouse ao máximo a contorna, gardando un equilibrio coa paisaxe. Ademais, a edificación é autosuficiente desde o punto de vista da utilización das augas. O proxecto contempla na súa totalidade a construción de nove campos de fútbol e un edificio que crecerá ao redor deles. Esta construción dará resposta a todas as necesidades do club en todas as súas categorías, á vez que se constituirá como un novo espazo para o lecer e o entretemento.

    COLABORACIÓNS

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Economía, impuestos, presupuestos y milagros

    La pandemia que hemos sufrido en estos últimos meses y que ha afectado a la totalidad del planeta, ha cambiado nuestras vidas y nos ha obligado a modificar nuestros comportamientos sociales, culturales y económicos, seguramente para siempre. Ante este hecho, los gobiernos se han visto obligados a actuar y a tomar una serie de medidas, que se han centrado en tres ejes: La paralización de la economía por decreto-ley, la concesión de ayudas y subsidios para paliar los efectos de semejante desastre y la limitación de libertades y derechos individuales, especialmente el de reunión y el de libre circulación.

    Tarifa Valle

    Cuando estoy escribiendo este comentario lo estoy haciendo en el período de la 'tarifa valle', ya que nuestros queridos representantes han aprobado las tarifas eléctricas 2.0TD (en mi época de amante de los automóviles eso significaba que estamos ante un vehículo con motor turbo diésel de dos litros de cilindrada, pero cuando hablamos de tarifas eléctricas., vete a saber).

    Colaboradores

    Alberto Aliaga Sola
    5 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS