8.3 C
Pontevedra
Xoves, 28 de Marzo de 2024
Máis
    HomeLouriñaMosSegunda fase de renovación da carpintería exterior no Colexio de Atín

    Segunda fase de renovación da carpintería exterior no Colexio de Atín

    A Xunta inviste en ambas fases preto de 100.000 euros. A mellora revirte nunha importante optimización do illamento térmico, da eficiencia enerxética e do aforro en gastos de climatización

    A alcaldesa de Mos, Nidia Arévalo, e a concelleira de Educación mosense, Julia Loureiro, informaron hoxe de que se atopa prácticamente rematada a segunda fase da mellora do Colexio de Atín para optimizar o illamento térmico do centro.

    As obras, xa finalizadas nalgunhas aulas, son de renovación da carpintería exterior metálica (portas e ventás). Esta segunda fase dos traballos, cun orzamento de 47.000 euros, dá continuidade á primeira fase acometida o curso pasado. A inversión na primeira fase foi duns 50.000 euros polo que en ambas a consellería de Cultura, Educación e Universidade da Xunta de Galicia inviste preto de 100.000 euros.

    Unha vez concuída esta segunda fase quedará prácticamente renovada na súa totalidade a carpintería exterior do centro educativo. A consellería de Educación asumiu esta mellora, cuxos traballos foron iniciados durante o pasado ano 2019.

    Estas obras no Colexio de Atín revirten nunha importante optimización do illamento térmico das instalacións do centro educativo coa conseguinte mellora da eficiencia enerxética e aforro en gastos de climatización.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.