17.2 C
Pontevedra
Sábado, 23 de Outubro de 2021
Máis
    HomeLouriñaMosRevitaliza inicia o curso nos centros de ensino coas súas actividades didácticas...

    Revitaliza inicia o curso nos centros de ensino coas súas actividades didácticas adaptadas ao ‘momento COVID-19’

    Persoal do CEIDA xa visitou o CEIP Atín Cela en Mos, e esta semana traballará co alumnado da EEI Curro en Barro e do CEIP Nosa Señora dos Remedios en Ponteareas

    O Plan Revitaliza da Deputación de Pontevedra vén de iniciar oficialmente o seu curso nos centros de ensino da provincia coas actividades didácticas sobre compostaxe adaptadas ao ‘momento Covid-19’. Os obradoiros e charlas xa comenzaron a semana pasada no CEIP Atín Cela de Mos, e continuarán esta na EEI Curro, en Barro, e no CEIP Nosa Señora dos Remedios en Ponteareas.

    As actividades dispoñibles poden consultarse na web revitaliza.depo.gal, e consisten fundamentalmente en propostas presenciais “atractivas” para o alumnado a pesares da pandemia. A grandes liñas mantense o proxecto educativo coas mesmas actividades do curso pasado, pero sendo o máis demostrativas posible e sen movementos e interaccións entre as e os participantes, dividindo os grupos noutros mais pequenos no caso de ser necesario, e ampliando o número de persoal de monitorado, cunha proposta o mais personalizada posible, tanto na duración, número de participantes, espazos a empregar e circunstancias de cada centro, sempre atendendo á normativa e protocolos de Sanidade e Ensino de cada momento.

    Ata o de agora pasaron polas actividades lúdicas do Revitaliza realizadas a través do

    Centro de Extensión Universitaria e Divulgación Ambiental de Galicia (Ceida) máis de 30.000 alumnos, que coñeceron a compostaxe e concienciáronse da necesidade de tratar os residuos de maneira ambientalmente sustentable.

    A pesares do parón motivado pola suspensión de clases no pasado mes de marzo derivado da pandemia, o interese polo programa está claramente ‘in crescendo’, sendo solicitado incluso polos concellos para os seus obradoiros e campamentos de verán. Nestes momentos están recibíndose tamén bastante solicitudes por parte dos centros do ensino, aínda que con prudencia e nun ritmo menor a outros cursos.

    Petición da rapazada ao Concello de Mos para entrar no Revitaliza

    O primeiro centro en solicitar as actividades para este curso foi o CEIP Atín Cela de Mos, onde se desenvolveu unha charla a pasada semana para o alumnado dos cursos de 5º e 6º de Primaria. Tanto o centro como as rapazas e rapaces amosaron moito interese pola compostaxe, tendo feito xa o ano pasado xa outros obradoiros de iniciación. Entón, o persoal técnico do CEIDA ensinou os principios básicos da compostaxe e, dado que o colexio ten comedor, comezaron a facer compost xerando bastante volumen. De feito, a día de hoxe, teñen varios composteiros, algúns deles de compostaxe estándar e outros de vermicompostaxe con miñocas vermellas.

    Nas actividades iniciadas este ano, o alumnado perfeccionou os datos de como se debe facer a selección de lixo, a xestión dos residuos, a compostaxe e coñeceu máis datos do Revitaliza. A xornada, ademais, tivo unha parte práctica na que se comprobou como se aproveita o compost unha vez se retira da parte baixa do composteiro e é peneirado. “Tedes un compost de calidade fantástica”, animounos o técnico do Revitaliza.

    A actividade foi moi distendida e a rapazada lembrou a súa grande implicación, xa que o ano pasado pedira formalmente ao Concello de Mos (que non forma parte dos Concellos Revitaliza) que se adherira ao plan provincial co obxectivo de que toda a veciñanza poida compostar o lixo dos seus domicilios.

    Xa esta semana, o persoal do Revitaliza irá aos concellos de Barro, á EEI Curro, onde traballará co alumnado de Infantil coa actividade ‘Os bichocos e a composteca’, e a Ponteareas, onde estará no CEIP Nosa Señora dos Remedios, coa rapazada de 5º e 6º de Primaria, para poñer en marcha un composteiro e aprender teoría da compostaxe.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS