7.9 C
Pontevedra
Venres, 29 de Marzo de 2024
Máis
    HomeLouriñaMosMos homenaxea a Óscar Pereiro e dedícalle unha escultura no Castro de...

    Mos homenaxea a Óscar Pereiro e dedícalle unha escultura no Castro de Herville, meta da etapa 20 de La Vuelta 21

    Esta fin de semana celebrouse en Mos a carreira de exciclistas e homenaxe a Óscar Pereiro con motivo de La Vuelta 21 ao seu paso por Mos, contando como ‘speaker’ co xornalista Terio Carrera.

    Pereiro contou coa compaña de compañeiros, ex compañeiros, amigos e veciños entre os que se atopaban ciclistas e varios exciclistas profesionais como Álvaro Pino, Ezequiel Mosquera, Marcial Rodríguez, Serafín Martínez, Genaro Prego, José Ángel Vidal, José Teixeira, Evaristo Portela, Juan Campos, Isidro Araújo, Fabián García, Pako Boente, José L. Boente, entre outros. Así como o gaiteiro mosense de Louredo e autor do Himno de Mos, Xulio Lorenzo.

    Por suposto tamén estiveron presentes Nidia Arévalo, alcaldesa de Mos, José Ramón Lete Lasa, Secretario Xeral para o Deporte, demais membros da Corporación Municipal e do equipo de goberno local, xunto con persoas moi especiais para Óscar como José González, Luis Penido, Xurxo Otero, veciños do seu lugar natal: a Capilla en Petelos; e a súa familia: pais, fillos, irmá e a súa muller.

    O evento deportivo comezou ás 18:00 h en Sanguiñeda – Explanada La Reina, onde os corredores fixeron un circuito de 10 voltas para logo saír cara ao Castro de Herville, lugar onde se ubicaba a meta e onde rematará tamén a 20ª etapa de La Vuelta 21 o 4 de setembro.

    A carreira rematou coa victoria de Fabián García, que ven de gañar o Campionato de España Master 60 en Valladolid. Pecharon a competición desta tarde Óscar Pereiro e Carlos Táboas ‘Peri’ (Campión de España de + Enduro Master 50) acompañando ao que fora o masaxista de Pereiro no Phonak, José Teixeira.

    O acto rematou cunha gran sorpresa para Óscar Pereiro, o descubrimento dunha escultura no alto de Herville na súa honra, autoría do escultor alemán, veciño de Herville desde 1989 Ralf Jung (escultor, fotógrafo e video creador). O broche final púxoo o Grupo de Gaitas de Herville interpretando o Himno Galego.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.