12.5 C
Pontevedra
Domingo, 29 de Xaneiro de 2023
Máis
    HomeLouriñaMosMos aproba a solicitude de subvención autonómica anual para dar continuidade ao...

    Mos aproba a solicitude de subvención autonómica anual para dar continuidade ao Servizo de Atención Temperá

    A Xunta de Galicia, a través da consellería de Política Social, financia o 90% do programa no que se presta axuda a unhas 50 familias mosenses e da contorna

    O Concello de Mos aprobou en Xunta de Goberno local a solicitude de subvención autonómica para dar continuidade ao Servizo Municipal de Atención Temperá dotado de 1 psicóloga, 1 logopeda e 1 fisioterapeuta.

    A subvención autonómica anual para este programa financia o 90% do custe do servizo, o que supón unha aportación económica da Xunta de Galicia de sobre 100.000 euros, aportando o Concello de Mos con fondos propios o 10% restante do orzamento anual total.

    A resolución favorable da concesión da subvención permitirá continuar con este servizo de Atención Temperá en Mos, tan importante e que tan boa acollida leva tido desde a súa posta en marcha. Xa é o 4º ano de prestación de servizo desde que se creou.

    O servizo desenvólvese nas instalacións da ludoteca de Louredo (antigas Ecolas Unitarias) por parte de COESCO grazas á axuda concedida pola Xunta de Galicia a través da consellería de Política Social para o desenvolvemento deste programa do que o Concello de Mos asume un 10% do custe total anual do servizo.

    Esta axuda enmárcase nas subvencións ás entidades locais para a prestación de servizos no marco da Rede Galega da Atención Temperá cofinanciadas pola Unión Europea.

    En Mos benefícianse deste servizo nenos e nenas de sobre 50 familias mosenses e da contorna. O obxectivo deste programa municipal de Atención Temperá é promover a igualdade, a saúde e a inclusión social mediante un conxunto de intervencións dirixidas á poboación infantil de 0 a 6 anos con trastornos do desenvolvemento ou en risco de padecelos, a súa familia e contorno, co fin de facilitar a súa autonomía persoal e a dita inclusión.

    Na unidade de Atención Temperá do Concello de Mos, desenvólvese unha destacable e importante labor por parte dos profesionais que alí traballan, para axudar ás familias do municipio de Mos e da súa contorna.

    As nenas e nenos que acoden a este centro melloran a súa autonomía e calidade de vida grazas a un asesoramento individualizado e adaptado ás súas necesidades. Neste sentido, existe tamén unha gran implicación de traballadores e responsables de COESCO para que así sexa.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS