17.5 C
Pontevedra
Luns, 15 de Abril de 2024
Máis
    HomeLouriñaMosMos anuncia a andaina solidaria ‘En marcha por un futuro sen cancro’

    Mos anuncia a andaina solidaria ‘En marcha por un futuro sen cancro’

    Atópase aberta a inscrición na mesma por vía telefónica ou email

    Onte, venres 24 de setembro, coincidindo coas efemérides do Día Mundial da Investigación Contra o Ccancro e o Día Mundial do Cancro de Tiroides, desde o Concello de Mos anúnciase a andaina prevista para o vindeiro 3 de outubro, organizada conxuntamente entre AECC Mos e a administración local mosense, baixo o lema ‘En marcha por un futuro sen cancro’.

    Trátase da II Andaina Solidaria AECC que percorrerá a Senda Petelos-Tameiga, cunha lonxitude de 5 quilómetros. O nivel de iniciación desta andaina faina apta para todas as idades, e unha opción ideal para pasar unha mañá de domingo en familia.

    Requírese de inscrición previa para poder participar e as persoas interesadas poden inscribirse desde xa telefónicamente na Piscina Municipal, o Multiusos das Pozas, na sede de AECC Xunta Local de Mos, ou no enderezo de correo electrónico mos@aecc.es

    O prezo de inscición é de 5 euros por persoa e inclúe entrega de dorsal, bolsa con avituallamento, e participación en sorteos. A salida da andaina producirase ás 10.00 horas da mañá do domingo 3 de outubro desde o Multiusos das Pozas.

    Efemérides

    Cada 24 de setembro, tal data como a de hoxe, conmemórase o Día Mundial de Investigación contra o Cancro, e do Cancro de Tiroides.

    O Día Mundial de Investigación contra o Cancro é unha data que ten por obxectivo seguir impulsando os proxectos e investigacións que buscan axudar na loita contra o cancro, logrando mellor calidade de vida nos pacientes ou a cura definitiva de certos tipos de tumores. O propósito deste día é seguir incentivando á sociedade médica a que xeren novos descubrimentos que poidan axudar a frear ou eliminar os tumores do cancro nas persoas. Entender o porqué da súa orixe e buscar maneiras de evitalos. Cada ano durante esta data en España entrégase o premio “V de Vida” que busca dar financiamento e recoñecemento aos médicos oncólogos que descobren novas formas de alongar ou mellorar a vida dos pacientes con cancro.

    Por outra banda o Día Mundial do Cancro de Tiroides celébrase tamén o 24 de setembro de cada ano. O principal motivo desta data é dar a coñecer un pouco máis desta enfermidade, que representa unha das doenzas máis recorrentes nas mulleres e que require un diagnóstico oportuno para así evitar maiores complicacións.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.