22.4 C
Pontevedra
Domingo, 24 de Setembro de 2023
Máis
    HomeLouriñaMosMos abre a programación de La Vuelta 20 cunha ‘MasterClass’ a cargo...

    Mos abre a programación de La Vuelta 20 cunha ‘MasterClass’ a cargo de Pereiro, Pino, “Purito” e Javier Mínguez

    Esta charla forma parte do programa deseñado e consensuado pola Mesa de La Vuelta do Concello de Mos con motivo da etapa que sairá desde o Pazo o 5 de novembro

    Onte tivo lugar a apertura da programación municipal de actividades previas á saída dunha etapa de La Vuelta Ciclista a España 2020 desde o Pazo de Mos o 5 de novembro cunha charla ofrecida por ciclistas de recoñecido prestixio internacional entre os que se atopou o mosense Óscar Pereiro, gañador dun Tour de Francia, e embaixador de La Vuelta.

    O acto consistiu nunha ‘MasterClass Ciclista’, celebrada esta tarde no Multiusos das Pozas a cargo de Óscar Pereiro e Álvaro Pino de xeito presencial, e Joaquín Rodríguez “Purito” e Javier Mínguez de xeito dixital, por videoconferencia.

    A charla retransmitiuse en directo vía streaming e contou con asistentes presenciais entre o público que se achegou ata o auditorio do Multiusos, e que estivo integrado fundamentalmente por membros de clubes ciclistas e afecionados a este deporte de Mos e comarca; así como con numerosos espectadores on line que a seguiron en directo desde as páxinas web oficiais do Concello de Mos e La Vuelta a través das ligazóns https://www.mos.es/directo/ e https://www.lavuelta.es/es/noticias/2020/masterclass-ciclista-auditorio-as-pozas-mos

    Esta masterclass, que contou na súa versión presencial con todos os protocolos e medidas preventivas anti Covid-19, forma parte do programa deseñado e consensuado pola Mesa de La Vuelta do Concello de Mos con motivo da etapa que sairá desde o Pazo e que inclúe iniciativas de diversa índole relacionadas co eido musical, artístico, educativo, cultural e deportivo do municipio mosense. Mos será a única localidade da provincia de Pontevedra na que haberá unha etapa de saída de La Vuelta este ano 2020. Nestes momentos, máis que nunca é preciso ilusionar a poboación e seguindo rigorosamente os protocolos anti Covid-19, celebrar actividades adaptadas á situación actual coa colaboración das institucións e de toda a veciñanza, para conmemorar esta etapa exclusiva que pasará por Mos.

    COLABORACIÓNS

    Alberto Mancebo, «O que me quedaba por dicirche»

    Poderiamos afirmar que nos últimos meses algo se está a mover na literatura galega pola aparición de novos autores que nos sorprenden gratamente pola frescura das súas propostas.

    Antón Riveiro Coello, «Hotel Carioca»

    Antón Riveiro Coello volve a demostrar a súa rara habilidade para a construción de historias nas que xoga a mantenta coas personaxes e mais co lector.

    Branca Novoneyra, «As cunchas baleiras»

    Logo dunha longa década de escrita íntima e de reflexión, Branca Novoneyra decide facer público un novo poemario de clara vocación estética e simbólica como é «As cunchas baleiras», que ela mesma concibe como unha «antoloxía» dos versos que saíron da súa pluma ao longo de todo este tempo.

    Fabio Rivas, «A pintura debida»

    Ás veces atopamos sorpresas inesperadas que nos fan sorrir e confiar na saúde da nosa literatura.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    89 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS