O delegado territorial da Xunta en Pontevedra, Agustín Reguera, acudiu esta mañá á ruta Torroña – Buegueira, no concello de Oia. Alí visitou o resultado dos traballos de mellora de sinalización da ruta, que foron posibles grazas ás axudas a concellos de ata 10.000 habitantes para a mellora das infraestruturas turísticas de Turismo de Galicia.
Trátase dunha achega de 30.000 que permitirá potenciar esta atractivo turístico, preparándoo para o sendeirismo e mellorando a comodidade dos visitantes e veciños que decidan pasar o seu tempo de lecer neste paraxe espectacular.
Esta convocatoria conta cun orzamento de preto de 1,3 millóns de euros en toda Galicia, que beneficiarán a un total de 67 concellos, oito deles na provincia de Pontevedra cun investimento total de preto de 230.000 euros.
Acompañado pola alcaldesa de Oia, Cristina Correa, o delegado territorial destacou a estas axudas como “un exemplo de como a colaboración entre institucións mellora a nosa contorna”.