16.5 C
Pontevedra
Xoves, 20 de Xuño de 2024
Máis
    HomeBaixo MiñoA GuardaA Plataforma Veciñal de Afectados pola comunidade de Montes da Guarda denuncia...

    A Plataforma Veciñal de Afectados pola comunidade de Montes da Guarda denuncia a grave situación na que se encontra o monte

    Os 40 veciños da Guarda que compoñen a Plataforma Veciñal de Afectados pola Comunidade de Montes da Guarda, diríxense a todas as institucións, entidades, asociacións e colectivos, e a todos os veciños que as compoñen, para denunciar publicamente a gravísima situación na que se encontra o monte.

    Nos últimos tres anos, case 40 veciños solicitaron a entrada na Comunidade de Montes da Guarda. A día de hoxe, despois de varias solicitudes e de interpoñer dúas demandas, aínda non conseguiron obter ningunha resposta por parte da Xunta Rectora.

    Durante estes 3 anos foron testemuñas de toda clase de accións que tilda de irregulares e impropias dunha Comunidade de Montes, chegando a parecer “máis ben un coto privado que unha Comunidade de Montes”, segundo indican desde a Plataforma Veciñal.

    Este sábado, 16 de xaneiro, está convocada unha Asemblea Xeral Extraordinaria para elixir a nova Xunta Rectora. Os veciños denuncian que esta elección da nova Xunta é inxusta por faltar a súa presencia, ya que solicitaron a alta na comunidade.

    Ante esta situación es a sensación de impotencia, queren solicitar, por un lado, a máxima colaboración por parte de todas as institucións pertinentes, e por outro, a involucración do resto de veciños da Guarda nesta loita, a través de exercer o seu xusto dereito de ser comuneiros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.