16.1 C
Pontevedra
Sábado, 18 de Maio de 2024
Máis
    HomeBaixo MiñoA GuardaÚltimos días para inscribirse na III Mostra Creativa do Baixo Miño

    Últimos días para inscribirse na III Mostra Creativa do Baixo Miño

    O Concello da Guarda continúa apostando polo emprendemento e por visibilizar a gran cantidade de marcas e talentos creativos que existen na comarca, xa sexan de artesanía ou en formas máis modernas de expresión.

    Ao igual que o ano pasado, a Mostra coincidirá en data coa Festa do Peixe Espada, polo que existirá unha programación de actividades conxunta e que complemente a ambos eventos. Desde o Concello queren agradecer a boa disposición para sumar esforzos de ORPAGU e establecer lazos de colaboración.

    Convídase a todos os deseñadores, marcas e artesáns da comarca que desexen participar a que revisen as bases publicadas no taboleiro de anuncios (https://www.aguarda.es/wp-content/uploads/2023/04/20230411_Resolucion_DECRETO-2023-0565-DECRETO-DE-ALCALDIA-DE-APROBACION-DE-BASES-III-MOSTRA-CREATIVA.pdf) cubran a ficha de inscrición (https://www.aguarda.es/wp-content/uploads/2023/04/20230411_Ficha-de-inscripcion-2023.docx ) e a envíen ao correo electrónico mostracreativabm@gmail.com

    Xa son máis de 20 os inscritos para esta terceira edición, entre eles:  Acontravento (roupa), Anxo Ferreira (cantería), Vikensen (madeira), Merino Coqueta (fieltro e lá), Little Vero (roupa), Vargas Lemos (xoieria), Mar.jewelrin (xoieria), Coco bisutería (xoieria), Sapone di Principesca (cosmética natural), É Fish (xoieria), Marina Alonso San Miguel (ilustracións), Sapoconcho (ilustracións), Tullavecord accesorios (en madeira, resina, etc.), Cuchituras design (accesorios para o pelo), La casa taller (pintura), Pazosketchbook (pintura), Luc&Luc (roupa), Sil Domínguez (roupa),  Breaktime (Ilustración sobre prendas) e Lana (Amigurumis).

    Un dos obxectivos da iniciativa, que tivo a súa primeira convocatoria no 2021, é acadar que a Mostra se poda consolidar como un evento de referencia e con periodicidade anual onde mostrar o gran talento que temos no Baixo Miño. Por isto convidamos a todas as persoas deseñadoras, marcas e artesáns da nosa comarca que desexen participar a que aproveiten os últimos días que restan de inscrición e cubran a ficha de inscrición e a envíen ao correo electrónico mostracreativabm@gmail.com.

    PROGRAMACIÓN

    Sábado 29 de xullo de 10:30 a 15:30 h e de 18:30 a 22:00 h.

    11:00 h – Obradoiro infantil con caricaturista*

    13:30 h – Pasarrúas co Trebón dos Xidos dende a Praza de Avelino Vicente ata o Porto*

    18:30 h – Obradoiro infantil de xoguetes realizados con materiais de refugallo a cargo de Diviertte

    19:30 h – Concerto de Rock&Roll de Castro & Los Escoltas

    *Actividades integradas na Festa do Peixe Espada

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.