A Asociación Raiceiras pon en marcha un novo servizo no Baixo Miño. A asociación está a realizar de forma gratuita e anónima as probas rápidas do VIH a toda aquelas persoas interesadas maiores de 16 anos. As probas lévanse a cabo por persoal especializado que realizará un acompañamento previo e posterior á realización das mesmas.
Para reservar cita é preciso chamar ou escribir ó número 644 696 925 ou contactar a través das súas redes sociais, co fin de garantir a confidencialidade e condicións precisas para a realización da proba.
A sede social de Raiceiras está situada na Antiga Escola Unitaria de San Lorenzo, Avda de San Lorenzo s/n, A Guarda.