O Concello da Guarda, a través da Concellería de Medio Ambiente, ven de iniciar os traballos de poda e revisión das especies arbóreas existentes nos diferentes parques públicos do municipio.
Dende este mesmo mércores os operarios iniciaron estes traballos no Parque do Cancelón, máis coñecido coma “O Montiño”, no acceso ao Monte de Santa Trega, onde se están revisando os diferentes árbores deste parque e procedendo á súa poda, atopando algúns parcialmente secos ou enfermos, polo que é preciso realizar estas tarefas para garantir a seguridade dos veciños e visitantes que empregan este espazo.
Nos vindeiros días continuarán os traballos de poda e revisión de especies arbóreas noutros parques públicos do municipio coma nos xardíns do Centro Cultural, no Castelo de Santa Cruz, entre outros.
