12.4 C
Pontevedra
Martes, 28 de Marzo de 2023
Máis
    HomeBaixo MiñoA GuardaO Concello da Guarda felicita a Alicia González Álvarez no seu 100...

    O Concello da Guarda felicita a Alicia González Álvarez no seu 100 aniversario

    O alcalde da Guarda, Antonio Lomba e a tenente de alcalde, Montse Magallanes, visitaron, o domingo 27 de febreiro, a Alicia González Álvarez para felicitala polo seu 100 aniversario.

    Alicia, muller alegre e faladeira, memoria viva do barrio da Cruzada compartiu, en compañía do seu fillo, Sergio, e da súa filla, Carmen María, uns momentos de conversa cos representantes do concello, con quen conserva unha excelente relación.

    Durante a conversa fixo numerosas referencias ao que fora alcalde da Guarda e benefactor do barrio, Brasilino Álvarez, o seu admirado tío.

    Alicia Gonzalez fai gala dunha memoria prodixiosa, como di ela: “de cabeza estou ben, o malo son os osos.” Durante a visita fixo un repaso das principais tarefas e experiencias que ela, como outras moitas mulleres da mariña da Guarda, tivo que enfrontar durante a súa vida: dende a case esquecida actividade de petar a casca para curtir as redes, ir ao monte a por fruma ou feito, a praia ao argazo ou tender as redes a secar. “Unha vida de moito traballo pero divertida” segundo ela, porque “divertido é estar facendo cousas continuamente. O peor é estar parada”.

    Alicia González Álvarez arranca un sorriso dos que a escoitan cando insinúa que os 100 anos lle pasaron moi rápido, como ela di: “parece mentira”.

    Os representantes municipais quixeron facerlle unha homenaxe a Alicia desexándolle un feliz aniversario e que siga desfrutando da vida como ata agora. Entregáronlle uns pequenos agasallos e a familia mostrouse moi agradecida polo seu recoñecemento.

    COLABORACIÓNS

    Miguel Sande, «Brinde e desespero»

    Miguel Sande está a presentar o seu novo poemario, «Brinde e desespero», co que recentemente acadou o XXV Premio Johan Carballeira. Xa falamos noutras ocasións neste mesmo espazo de como se están a diluír a cotío as xa febles liñas que separan os distintos xéneros literarios. «Brinde e desespero» é unha proba máis pois, a pesar da súa inequívoca cadencia lírica, Sande xoga a brincar con habilidade sobre as lindes da poesía para adentrarse no terreo da narrativa e darlle forma a unha prosa poética ben particular.

    Arantza Portabales, «O home que matou a Antía Morgade»

    Abad e Barroso chegaron un día para quedar, para alternar con Leo Caldas, Frank Soutelo e algúns dos outros detectives de referencia da literatura galega dos últimos anos.

    “Nigeria 70”, una trilogía para escuchar

    El Sello inglés Strut nace a finales de los 90. En el año 2008 es adquirido por el Sello !K7 Music, con sede en Berlín, Londres y Nueva York. Strut tiene como misión desenterrar las joyas perdidas del pasado de la música de baile.

    Xosé Monteagudo, «Vémonos mañá»

    Realidade e ficción conflúen na última proposta narrativa de Xosé Monteagudo, «Vémonos mañá», na que presenta o que poderiamos considerar unha dupla biografía novelada.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    81 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS