Unha vintena de comerciantes da Guarda, xunto con representantes das asociacións de empresarios ACIGU e Marcaguarda, participaron o mércores nunha xuntanza convocada polo departamento de Desenvolvemeno Local, que xestiona Fátima Rodríguez, de cara a analizar os resultados da Campaña de Nadal.
Na reunión, aberta e con unha numerosa participación, serviu para recabar multitude de propostas e ideas para continuar na senda de dinamización do comercio da vila, cunha valoración xeral positiva, “sempre con aspectos a mellorar”, sinalaron.
Tal e como indicou Fátima Rodríguez, a implicación e participación dos empresarios e comerciantes da vila “é fundamental para concretar accións que repercutan directamente sobre os negocios da vila”. Precisamente por iso, haberá unha nova reunión de seguimento o vindeiro mércores día 12 de febreiro ás 20:45 h na Casa dos Alonso. Nesa xuntanza analizaránse resultados das enquisas realizadas e se propoñerá unha estratexia a seguir, así coma as oportunidades que ofrecen tanto o Camiño de Santiago no Camiño Portugués pola Costa como o Ano Santo 2021.