8.7 C
Pontevedra
Xoves, 28 de Marzo de 2024
Máis
    HomeBaixo MiñoA GuardaO alcalde Antonio Lomba faise escoitar no Parlamento de Galicia

    O alcalde Antonio Lomba faise escoitar no Parlamento de Galicia

    Presentarase no próximo pleno no Parlamento de Galicia unha proposición non de Lei a proposta de Antonio Lomba

    Nos últimos meses estase comprobando como a asistencia sanitaria na Guarda cada vez e máis precaria pasando de ter 8 profesionais a 4 na actualidade, que o mes que ven quedarán en 3. Sobre este tema, o alcalde da Guarda, Antonio Lomba, xa mantivera contacto co anterior conselleiro de Sanidade Jesús Vázquez Almuiña co convencemento, di Lomba “que ao ser da comarca entendería a situación e daríalle unha pronta solución”.

    As pasadas eleccións autonómicas foron as encargadas de dar ao traste coas esperanzas do alcalde guardés xa que, sinala, “atopámonos conque un dos poucos conselleiros que se cambian é o de Sanidade”.

    Por este motivo o 1 de outubro, o alcalde dirixiuse por escrito ao novo conselleiro de Sanidade, Julio García Comesaña, para poñer de manifesto, unha vez máis, os problemas de persoal que se veñen producindo no Centro de Saúde e que teñen como consecuencia unha atención deficiente á veciñanza. Un escrito que a día de hoxe non tivo resposta nin solución, converténdose este problema “en preocupante ao sentirnos no Concello coas mans atadas, xa que non podemos facer nada, mais que ver como enferman os nosos veciños e veciñas, sen poder ser atendidos”, lamentase ao alcalde guardés.

    Antonio Lomba quere recordarlle o novo conselleiro que A Guarda e un concello “no cal tamén hai votantes do PP que non entenden como pode ser posible este abandono” polo que o rexedor local ” fai unha invitación persoal ao conselleiro de Sanidade, Julio García, para que comprobe in situ a situación da sanidade local. Tamén se quere denunciar “o abandono do PAC, que ás veces queda sen ningún profesional para poder atender urxencias”, conclúe o alcalde da Guarda.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.