8.8 C
Pontevedra
Venres, 1 de Decembro de 2023
Máis
    HomeBaixo MiñoA GuardaNova exposición de debuxos de David Pérez Rego na Casa do Concello...

    Nova exposición de debuxos de David Pérez Rego na Casa do Concello da Guarda

    Este mes de novembro, o Concello da Guarda acollerá a exposición “Arquitectura, debuxo e tinta”, do debuxante David Pérez Rego “Cato”.

    A mostra exhibirá 30 debuxos orixinais do artista porriñés, cunha obra caracterizada por reproducir ao detalle, con estilógrafo, arquitecturas do patrimonio arquitectónico de Galicia, moitas delas da Guarda.

    Nos seus debuxos o autor emprega unha técnica de punteado (stippling) e raiado (crosshatching) minuciosos que lle permite obter imaxes de gran realismo cun estilo moi persoal. Para cada imaxe, composta de milleiros de pequenos trazos, David Pérez emprega ducias de horas de observación, análise e traballo preciso.

    Comenta o artista que “fronte á rapidez dunha era vertixinosa, penso que hoxe en día o vangardista reside na lentitude do proceso artístico. Concentrarse nunha execución minuciosa e dilatada no tempo produce tamén outros lazos coa obra, e representa, ademais, unha forma de meditación persoal similar a crear un mandala.”

    A exposición estará aberta entre os días 3 e 13 de novembro de 2023 no vestíbulo da Casa do Concello, no seu horario habitual de apertura.

    Máis información e contacto da actividade: https://davidperezrego.com/.

    LIBROS

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.

    Domingo Villar, «Síbaris»

    A morte prematura de Domingo Villar foi un duro mazazo para os amantes da literatura galega, iso é algo sobre o que coido que existe consenso a estas alturas.