7.6 C
Pontevedra
Venres, 29 de Marzo de 2024
Máis
    HomeBaixo MiñoA GuardaMancomunidade de Baixo Miño e membros do «San Xerome» reúnense co director...

    Mancomunidade de Baixo Miño e membros do «San Xerome» reúnense co director xeral de Política Social

    Os asistentes á reunión, que tivo lugar hoxe en Santiago, acordan axilizar a eliminación da lista de agarda do Centro de Adultos do San Xerome

    Hoxe, 26 de decembro, reuníronse na Consellería de Política Social co director xeral de Maiores e Persoas con Discapacidade, Ildefonso de la Campa Montenegro, tres membros da directiva do centro ‘San Xerome Emiliani’ e os membros da Mancomunidade do Baixo Miño (Tui, Tomiño, O Rosal e A Guarda) representados polo concelleiro e concelleira de Benestar de Tui e Tomiño, Ismael Diz e Cristina Martínez, respectivamente; Ánxela Fernández, alcaldesa do Rosal e Antonio Lomba, alcalde da Guarda.

    Sobre a mesa, amaus de atopar unha solución para a lista de agarda, estaba tamén tratar de solucionar o problema que ten o antedito centro respecto á necesidade de dúas prazas, no Centro de Adultos, que permitan a continuidade de dous usuarios.

    Despois da reunión mantida co Director Xeral , a Mancomunidade do Val Miñor agradeceu “o recibimento e a boa disposición” e agardan que as situacións formuladas resólvanse á maior brevidade posible.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.