32.5 C
Pontevedra
Luns, 22 de Xullo de 2024
Máis
    HomeBaixo MiñoA GuardaA Guarda recibirá unha subvención de máis de 318.000 €, froito da...

    A Guarda recibirá unha subvención de máis de 318.000 €, froito da xestión do anterior goberno socialista, para modernizar o mercado municipal

    O equipo de goberno socialista que encabezaba Antonio Lomba levaba anos apostando polo comercio local e introducindo melloras de habitabilidade, accesibilidade, etc na praza de abastos. Un mercado que o Partido Popular e o seu socio de Goberno, Celso Fariñas, deixaran en estado de abandono durante o seu último mandato.

    A última acción neste sentido que levou a cabo o equipo de goberno socialista foi a solicitude dunha subvención de Fondos Europeos ao Ministerio de Industria, Comercio e Turismo por un importe de 318.458,40 €, da que se recibiu resolución positiva estes días.

    Fai un par de meses o equipo de goberno reservara fondos do Plan Concellos da Deputación de Pontevedra para afrontar a reforma estética do mercado que estaba planificada para despois do verán, pero grazas a esta subvención poderán destinarse eses fondos de Deputación a outras obras na Guarda, e financiar a reforma do mercado e outra serie de medidas que se inclúen neste proxecto e entre as que se atopan:

    • Instalación de taquillas refrixeradas intelixentes para que a clientela poda mercar e recoller pedidos fóra do horario de apertura do mercado.
    • Posta en marcha da “Cociña do mercado”, un espazo no primeiro andar no que se realicen obradoiros, charlas, showcooking e outros eventos nos que poñer en valor os produtos do mercado.
    • Publicidade e comunicación sobre o mercado en diferentes medios ou soportes dixitais.
    • Entrega de envases reutilizables á clientela para reducir o uso de plástico.
    • Creación dunha “Escola de comercio” para q tanto os/as placeiros/as coma outros comerciantes podan recibir formación útil para os seus negocios.
    • Ferramentas dixitais para coñecer hábitos de consumo e captar máis clientela.

    O grupo municipal socialista móstrase profundamente orgulloso deste logro e espera que o actual equipo de goberno consiga poñer en marcha todas as accións deste proxecto de dinamización, e a praza de abastos poda ser aquilo que o goberno socialista soñaba.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.