Ao abeiro do Plan Máis Provincia, Liña 3: Activación do Emprego, da Deputación de Pontevedra o Concello da Guarda contratará a un total 12 persoas en situación de desemprego como persoal temporal a xornada completa.
A iniciativa está dirixida a persoas desempregadas, empadroadas no Concello da Guarda e inscritas no Servizo Público de Emprego de Galicia como demandantes non ocupados en dispoñibles para o emprego. No código CNO que se indica para cada posto que son o 94431016 para o de peóns limpadores e 94311020 para o posto de ordenanza.
Estes requisitos deberán cumprirse tanto no momento da selección coma no da formalización do contrato. Cómpre salientar que para os postos de peóns limpadores non se precisa titulación algunha mentres que para o de ordenanza precísase estar en posesión do título de graduado en ESO ou equivalente.
