Hai uns meses a Federación Española de Clubes campistas (FECC) presentou a candidatura da Guarda para acoller o Encontro Internacional da Federación Internacional de Camping, caravaning e autocaravaning (FICC) en 2021 sendo seleccionada entre os finalistas Corea do Sur e Polonia.
Onte 24 de xuño na Casa dos Alonso tivo lugar a primeira reunión de traballo para coordinar e xestionar todos os esforzos para que a organización do encontro anual internacional sexa un éxito.
Nesta primeira reunión de traballo estiveron a Concelleira de Turismo, Elena Baz, a técnica de Turismo, Rosalía Verde, e os representantes do Comité organizador en España que está integrado pola Federación Española de Clubs campistas asistiron o seu presidente, José Vicente; o seu vicepresidente, Miguel Merino e o vocal Andrés Sánchez, mentes que por parte do Camping Caravaning Club de Galicia-Vigo, participaron o seu presidente, Juan Antonio Cidanes, e o vocal, José Iglesias, que é o responsable das relacións coa FICC.
