16.5 C
Pontevedra
Martes, 4 de Outubro de 2022
Máis
    HomeBaixo MiñoA GuardaA Guarda acolle este mércores un concerto de Ana Belén Rodríguez e...

    A Guarda acolle este mércores un concerto de Ana Belén Rodríguez e Mila Ut

    Este mércores día 14 de agosto ás 20:30 h da tarde no exterior da Igrexa Parroquial da Guarda acolle un concerto moi especial a cargo da pianista Ana Belén Rodríguez e da cantante soprano Mila Ut, englobado no ciclo “Música no Ar” da Deputación de Pontevedra.

    A pianista Ana Belén Rodríguez, estudou Piano Clásico no Conservatorio Superior de Música de Vigo e recibiu clases de pianistas do talle de Peter Efler, Eulalia Solé, Olga Semouchina ou Luiz de Moura Castro, entre outros. Pero a súa formación non acaba aquí: logrou o diploma en Música Moderna e Jazz polo Centro Profesional de Música Moderna de Santiago de Compostela (ESTUDIO). Actualmente é a directora da súa propia aula de música chamada Pianagrama e acompañante da Royal Academy of Dance, escola inglesa de danza onde interpreta as obras para as bailarinas e os bailaríns nos exames oficiais da institución. Durante os últimos anos os seus pasos musicais levárona a facer concertos solistas en diversos puntos da xeografía galega; a formar o grupo de rock Kaf!, co que versiona temas dese estilo, ademais de facer composicións propias; a acompañar a artistas do talle de Andrés Suárez e a participar no concurso Pianomeeting 2019, no que quedou finalista.

    Pola súa banda a soprano Mila Ut, natural de Vigo, amosou interese pola música desde moi pequena e comezouna a estudar na escola primaria. Posteriormente, formouse de xeito particular, examinouse por libre e obtivo o título de profesora de Linguaxe Musical. Tamén é profesora superior na especialidade de Canto do Máster en Teatro e Artes Escénicas da Universidade de Vigo e directora de coros desde o ano 1999. Ademais, colabora coa Orquestra Clásica de Vigo nos proxectos de música vocal e coral. Actualmente continúa a súa formación con clases e cursos de canto e repertorio con profesores en activo coma Estefanía Perdomo, Carmen Solís ou Ricardo Francia. Compaxina os recitais como soprano co seu traballo como profesora no Departamento de Linguaxe Musical do Conservatorio Profesional de Vigo, onde se encarga dos coros de Grado Elemental e Profesional.

    Entre o repertorio que interpretarán as artistas se inclúen as pezas coma, Oratorio (Haendel), Sposa (Vivaldi), Pamina (Mozart), Gretchen (Schubert), Antonia (Offenbach), Allerseelen (R. Strauss), Liù (Puccini), L´enamourée (Hahn), Lágrimas mías (M. Marqués), Maravilla (F. Moreno Torroba), Laureana (F. Mompou), Madre, unos ojuelos (E. Toldrá i Soler), Tríptico (J. García Leoz) ou Ágoa de muíño (M. Mendoza).

    Sen dúbida será un concerto especial, dado que é a primeira vez que os exteriores da Igrexa se inclúen coma escenario para un evento musical destas características. O aforo será libre ata completar a capacidade do recinto.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS