20.8 C
Pontevedra
Luns, 15 de Xullo de 2024
Máis
    HomeBaixo MiñoA GuardaA Cabalgata de Reis na Guarda estrea itinerario e formato neste 2024

    A Cabalgata de Reis na Guarda estrea itinerario e formato neste 2024

    Recen comezado o 2024 A Guarda prepárase para gozar da ansiada Cabalgata de Reis do día 5 de xaneiro, que neste 2024 incorpora novidades no seu percorrido e e formato. O percorrido da Cabalgata arrancará ás 18:00 h dende o Porto da Guarda, para subir pola Rúa Concepción Arenal ata finalizar na Praza de Avelino Vicente, sendo na carpa instalada nesta praza onde os Reis realizarán a tradicional Recepción aos nenos, para escoitar os seus desexos nesta noite tan especial para eles.

    Os Reis Magos serán acompañados no seu percorrido polos grupos de gaitas da Terceira Idade e Do Lusco ó Fusco e polo grupo de baile Dansá, que amenizarán e embelecerán este percorrido.

    Co fin de favorecer a organización do tráfico e a seguridade dos asistentes que se queiran achegar, a rúa Concepción Arenal e as rúas do seu entorno sufrirán cortes de tráfico a partir das 17:30 h. Nos vindeiros días publicarase o detalle das restricións de tráfico.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.