O Concello de Vila Nova de Cerveira, incluído na lista de 121 municipios portugueses con confinamento particial para contención da Covid-19, vén de anunciar que a partir do mércores 4 de novembro, adoptará unha serie de medidas entre as que se atopa o peche de servizos municipais non esenciais e suspensión de eventos, polo menos, ata final de ano. Fernando Nogueira apela “ao maior civismo posible no cumprimento destas regras esenciais nun período máis crítico da pandemia”.
Tras a marcha atrás na prohibición de feiras e mercados, deixando a decisión a cargo de cada concello, Vila Nova de Cerveira decidiu manter a súa realización, con regras de control e hixienización estritas. Segundo o rexedor cerveirense, o Goberno, ante a presión pola decisión de prohibir as feiras e mercados “delegou esa responsabilidade nos concellos e, nós imos asumir a realización da feira semanal” ainda que adianta “farase con todas as regras, normas e orientacións ditadas polas autoridades competentes e que xa foron aplicacadas con anterioridade”.
Así o recinto estará pechado, haberá reforzo da GNR e obrigatoriedade máscara e hixienización. Fernando Nogueira subliña que “van ser dadas as garantías de seguranza posibles a feirantes e ás persoas”, insiste en que “toca a cada un de nós ter consciencia civica, pois non hai ningunha medida que garanta a efetividade de control da pandemia. Cada persoa ten o dereito de se protexer e o deber e obriga de protexer aos outros”.
Doutra parte e tendo como prioridade o interese municipal e de saúde pública, o peche temporal dos equipamentos municipais, a partir deste mércores, aplícase ao Aquamuseu do Río Miño, ao Arquivo Municipal, Biblioteca Municipal e Tenda Interativa de Turismo, manténdose a atención telefónica durante o horario normal de funcionamento. No que atinxe aos servizos do Arquivo Municipal, manterán a atención presencial polo sistema de cita previa para consulta de procesos administrativos aí existentes.
Entre as medidas anunciadas polo Primeiro ministro o pasado sábado, tras o Consello de Ministros, “está aínda o deber cívico de retirada obrigatoria; os eventos e as celebracións limitados a 5 persoas, salvo no caso de persoas convivintes; os establecementos comerciais deben pechar ás 22:00 horas, con excepción de farmacias, consultas e clínicas, funerárias, take- away, estacións de servizo e de alquiler de vehículos. a restauración terá que pechar, obrigatoriamente, ás 22:30 horas cun límite de 6 persoas, salvo se son convivintes.
