O Concello de Covelo convida a toda a cidadanía a participar na actividade gratuíta organizada en colaboración coa Fundación Celta de Vigo Eurorregión Celeste o vindeiro luns día 4 de decembro coincidindo co partido que desputará o Celta de Vigo contra o Cádiz.
A inscrición será de forma presencial nas oficinas do Concello de Covelo, a partir de hoxe mércores, 15 de novembro. O número máximo de participantes será de 53 e as prazas ocuparanse por orde de inscrición, o prazo pecharase o 27 de novembro.
As persoas participantes sairán ás 19 horas dende o pavillón municipal nun autobús pagado polo Concello. Unha vez no estadio de Balaídos visitarán o museo do Real Club Celta de Vigo onde tamén realizarán unha fotografía grupal de recordo e serán agasallados cunha bufanda do club. Ás 21 horas poderán gozar do partido dende a grada de Río Baixo e ao remate volverán de novo a Covelo no autobús. Todas as actividades programadas para esta viaxe son de balde.
Toda a información está dispoñible no número de teléfono 986650027 (ext. 4), en horario de 8:00 a 14:00 horas, ou na páxina web do concello www.concellodecovelo.es.
