O Concello de Covelo informa que, ata o vindeiro 14 de xuño, está aberta a inscrición para participar no campus multideporte de verán 2023. Do 26 ao 30 de xuño todas os nenos de 6 a 12 anos poden optar a unha das trinta prazas que oferta o Concello.
Neste campamento practicarán distintas disciplinas deportivas cada mañá, en horario de 10 a 14 horas. O sexto Campus Multideporte organízase na aula multiúsos municipal e nas instalacións deportivas do concello.
Baloncesto, fútbol sala, pádel, piscina, rutas, skate, tenis e un sinfín de xogos cos que comezar o verán. O Concello establece unha taxa de 10 euros para nenos empadroados e 20 € para os non empadroados.
