14.8 C
Pontevedra
Domingo, 21 de Abril de 2024
Máis
    HomeA ParadantaArboCarlos Font enxalza o apoio da Deputación ao sector primario no primeiro...

    Carlos Font enxalza o apoio da Deputación ao sector primario no primeiro simulacro de ‘vendima anti-Covid de Galicia’

    Na actuación, posta en marcha pola adega Marqués de Vizhoja en Arbo, púxose en práctica o protocolo desenvolvido polo equipo técnico e de campo

    O deputado provincial Carlos Font xunto ao alcalde de Arbo, Horacio Gil, asistiu ao ensaio de vendima anti-covid levado a cabo por Marqués de Vizhoja, converténdose así na primeira adega de Galicia en poñer en marcha un simulacro previo destas características. Durante o acto púxose en práctica o protocolo desenvolvido polo equipo técnico e de campo da adega e tamén se explicaron as indicacións xerais e normas de prevención que se levarán a cabo durante a vendima. “Son un conxunto de medidas que garanten totalmente, en primeiro lugar, a saúde dos traballadores e traballadoras, e tamén do produto final, o viño para as persoas consumidoras”, destacou Font.

    Na súa intervención, o deputado provincial puxo en valor esta “demostración dos novos tempos nos que estamos e as medidas que se teñen que tomar” e cualificou como “unha situación sobresaínte poder comprobar in situ como se vai desenvolver unha vendima que será especial este ano”. Carlos Font, que destacou o apoio constante da Deputación ao sector primario e, en concreto ao vitivinícola, asegurou marchar “coa satisfacción de saber que a economía se reactiva e que algo tan tradicional como a vendima vai contar con todas as medidas de seguridade”.

    Debido á crise sanitaria, a vendima terá que cumprir cunha serie de normas entre as que se atopan o uso da máscara en todo momento, o control de entrada á adega e medición da temperatura, poñer a disposición dos e das traballadoras hidroxel, máscaras e papeleiras, evitar o contacto de mans coa cara, redución do contacto físico e distancia mínima de dous metros, non compartir obxectos persoais e non facer reunións. Tamén se recomenda lavar a roupa despois de cada xornada de traballo, evitar beber auga en fontes ou lugares de tránsito común, e tanto a entrada como a saída da adega farase de forma escalonada e mantendo en todo momento a distancia de seguridade. Ademais, introduciuse un sistema de sinalización con balizas para que cada vendimador/a saiba ata onde ten que ir e evitar a concentración de varias persoas nun mesmo punto.

    Pola súa banda, se algunha persoa presenta síntomas debe comunicalo inmediatamente á empresa, minimizar o seu contacto co resto e ir a un lugar onde permaneza soa. A empresa deberá informar das persoas coas que estivo en contacto ás autoridades sanitarias e seguirá as instrucións que lle indiquen. Ademais, realizarase unha limpeza minuciosa das zonas nas que permaneceu a persoa afectada.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.