20.8 C
Pontevedra
Luns, 15 de Xullo de 2024
Máis
    HomeA ParadantaArboArbo acomete a mellora e ensanche dun camiño no lugar de Pazos,...

    Arbo acomete a mellora e ensanche dun camiño no lugar de Pazos, na parroquia de Barcela

    O Concello de Arbo, dentro de seu programa de optimización da rede municipal de estradas, levará a cabo os traballos de ensanche e mellora dun camiño municipal en Pazos, Barcela, obras que contarán cun investimento de 34.898,54 euros (IVE incluído). O camiño, de titularidade municipal, atopase pavimentado con aglomerado pero a súa anchura so permite a circulación du vehículo e con certas dificultades.

    O acalde de Arbo, Horacio Gil, adiantou que de cara a conseguir a mellora da seguridade vial do treito, “realizarase un ensanche integral da plataforma da zona de actuación, conseguindo un ancho libre de 4 m”. Ademaís a zona dotarase de dous postes de formigón coas súas luminarias correspondentes, para conseguir unha boa visibilidade nas horas nocturnas.

    Horacio Gil subliñou que coas obras que se prevén neste proxecto “pretendese optimizar o servizo que ofrece o camiño e mellorar a seguridade vial do mesmo, xa que, na actualidade, é un vial moi estreito e perigoso”.

    Estes traballos forman parte do proxecto do Goberno local de optimización da rede municipal de estradas para mellorar a seguridade viaria tanto para vehículos coma para peóns.

    Dada a amplía superficie do concello e o gran número de estradas existentes, a tarefa de mantelas todas en perfecto estado, explica o alcalde de Arbo, “é complicada”, sendo necesarios “continuos proxectos de ampliación da plataforma que melloren a seguridade tanto de vehículos coma de persoas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.